March 4, 2017 
tamil.samayam.com
தன்னை பற்றிய அவதூறுகளை பதிவிட்டதற்காக பாடகி சுசித்ராவை,சக பாடகியான சின்மயி கடுமையாக விமர்சித்துள்ளார்.
கடந்த சில நாட்களாக பாடகி சுசித்ராவின் டிவிட்டர் கணக்கில் வெளியாகி வரும் டிவீட்கள்,பெரும் அதிர்ச்சியை ஏற்படுத்தி வருகின்றன.இந்த டிவீட்களில் பாடகி சின்மயி குறித்தும் தகவல் வெளியாகியிருந்தது.இந்நிலையில் தன்னை பற்றிய தவறான கருத்துகளை பரப்பியதற்காக சுசித்ராவை சின்மயி கடுமையாக விமர்சித்துள்ளார்.
இது குறித்து சின்மயி தனது டிவிட்டர் பக்கத்தில்,”நானும் என் கணவரும், கார்த்திக் குமாரிடம் பேசினோம்.சுசித்ராவுக்கு உடல் நலம் சரியில்லை என கார்த்திக் குமார் சொல்லும் போதே,என்ன சூழல் என்பதை நாங்கள் புரிந்து கொண்டோம்.இது போன்ற உணர்ச்சிப்பூர்வமான சூழல் யாருக்கு வேண்டுமானாலும் நடக்கலாம்.
ஆனால் என்னை பற்றி அவர் கூறியிருப்பது எல்லாம் முற்றிலும் தவறு.(ஆனால் ஏன் என்னை அவர் பிளாக் செய்து வைத்திருக்கிறார் என தெரியவில்லை.)நான் நேர்மையாக இருக்கிறேன்.நான் யாரை நினைத்தும் பயப்படத் தேவையில்லை.”என தெரிவித்துள்ளார்.
For English News
