February 16, 2017 
tamilsamayam.com
அதிமுக பொதுச் செயலாளரான சசிகலாவை,தனது டிவிட்டர் பக்கம் வாயிலாக நடிகர் கமல்ஹாசன் தொடர்ந்து விமர்சித்து வருகிறார்.
டிவிட்டர் பக்கம் துவங்கியதிலிருந்து எப்போதாவது பதிவிட்டு வந்த நடிகர் கமல்ஹாசன்,ஜல்லிக்கட்டுக்கு ஆதரவாக இளைஞர்கள் நடத்திய போராட்டத்தின் போது ஆக்டிவாக செயல்படத் துவங்கினார்.மேலும் ஜல்லிக்கட்டுக்கான தனது ஆதரவை மிகவும் ஆணித்தரமாகவும் எடுத்து வைத்தார்.
இதனைத் தொடர்ந்து சசிகலாவுக்கும்,ஓ.பன்னீர் செல்வத்திற்கு இடையில் நடைபெற்று வரும் அதிகாரப் போட்டியில் ஓ.பி.எஸ்க்கு கமல் தொடர்ந்து ஆதரவளித்து வருகிறார்.இந்நிலையில் நேற்று தனது டிவிட்டர் பக்கத்தில் பதிவிட்டுள்ள கமல்ஹாசன் ,சசிகலாவை மறைமுகமாக கலாய்த்துள்ளார்.
“107 செயற்கை உறுப்பினரை ஏவியவரை விட,104 செயற்கைக் கோள்களை ஏவியவரே போற்றுதலுக்குரியவர்.வாழிய செந்தமிழ் வாழ்க நற்றமிழர் வாழியபாரத மணித்திருநாடு..!”என கமல்ஹாசன் தனது டிவிட்டர் பதிவில் தெரிவித்துள்ளார்.
இதில் 107 செயற்கை உறுப்பினர்கள் என,கூவத்தூரில் உள்ள அதிமுக எம்.எல்.ஏ க்களையும்,செயற்கை உறுப்பினர்களை ஏவியவர் என சசிகலாவைவும் மறைமுகமாக கமல் விமர்சனம் செய்துள்ளார்.
For English News
