February 9, 2017 
தண்டோரா குழு
அ.தி.மு.க. சட்டப்பேரவை உறுப்பினர்கள் பிணைக் கைதிகள் போல் சிறைப்படுத்தப்பட்டிருப்பது மக்களாட்சியின் மாண்பை;d சிதைக்கின்ற செயலாக இருக்கிறது என சட்டப்பேரவை எதிர்க்கட்சிld தலைவர் மு.க ஸ்டாலின் கருத்து கூறியுள்ளார்.
இது குறித்து அவர் வியாழக்கிழமை வெளியிட்டுள்ள அறிக்கையில் கூறியிருப்பதாவது;
“தமிழகத்தின் அரசியல் சூழல் நிலையற்ற தன்மையுடனும் ஜனநாயக மாண்புகளுக்கு எதிராகவும் உள்ள நிலையில், தமிழக பொறுப்பு ஆளுநரின் வருகையும் அவர் மேற்கொள்ளப் போகும் நடவடிக்கைகளும் மிகுந்த எதிர்பார்ப்பை ஏற்படுத்தியிருக்கின்றன.
முதலமைச்சர் ஒ.பன்னீர்செல்வம், “கட்டாயப்படுத்தி என்னிடம் ராஜினாமா கடிதம் வாங்கினார்கள்” என்று தனது கட்சித் தலைமையின் மீது புகார் தெரிவித்துள்ளார்.
அவரது ராஜினாமாவை ஆளுநர் ஏற்றுக் கொண்டுள்ளார். இந்நிலையில் அ.தி.மு.க.வின் சட்டப் பேரவை உறுப்பினர்கள் தற்போது எந்தத் தலைமையின் கீழ் இருக்கிறார்கள் என்று தெரியாத நிலையில், அவர்களைச் சொகுசுப் பேருந்துகளில் ஏற்றிச் சென்று, நட்சத்திர விடுதிகளில் தங்க வைக்கும் நடவடிக்கைகள் மேற்கொள்ளப்பட்டுள்ளன.
ஜனநாயக நாட்டில் மக்கள் பிரதிநிதிகள் இப்படி பிணைக் கைதிகள் போல் சிறைப்படுத்தப்பட்டிருப்பது மக்களாட்சியின் மாண்பை சிதைக்கின்ற செயலாக இருக்கிறது. பிணைக் கைதிகளாக பிடித்து வைக்கப்பட்டுள்ள அ.தி.மு.க. சட்டப் பேரவை உறுப்பினர்களின் ஆதரவு யாருக்கு என்பது வெளிப்படையாகத் தெரியாத நிலை உள்ளது.
இத்தகைய சூழலில், தமிழகத்தின் பொறுப்பு ஆளுநர் அவர்கள் மாநிலத்தில் நிலையான, சுதந்திரமான, சட்டப்பூர்வமான வழியில் ஆட்சியை நிலைநாட்ட வேண்டிய கடமைப் பொறுப்பில் இருக்கிறார். எனவே, ஆளுநர் சட்ட ரீதியிலான முடிவுகளை எடுத்து சுதந்திரமான சட்டப் பேரவை வாக்கெடுப்பை உறுதி செய்ய வேண்டும்”.
இவ்வாறு ஸ்டாலின் கூறியுள்ளார்.
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
லயன்ஸ் கிளப் ஆப் கோயம்புத்தூர் கிறிஸ்டல் சார்பில் ஆதரவற்றோருக்கு உணவு வழங்கல்
சிறந்த கல்லூரிகளுக்கான NIRF தரவரிசை பட்டியலில் 9 வது இடம் பிடித்த பிஎஸ்ஜிஆர் மகளிர் கல்லூரி
லயன்ஸ் கிளப் ஆப் கோயம்புத்தூர் ஜுபிடர் சார்பில் ஆதரவற்ற முதியோருக்கு உணவு வழங்கல்
ஆசிரியர் தினத்தை முன்னிட்டு அலையன்ஸ் கிளப் ஆப் கோயம்புத்தூர் சேரன் சார்பில் கௌரவிக்கப்பட்ட ஆசிரியர்கள் !
சத்குருவின் பிறந்த நாளில் காவேரி கூக்குரல் 1 லட்சம் மரக்கன்றுகள் நடவு – தமிழகமெங்கும் விவசாய நிலங்களில் நடப்பட்டது
For English News
