February 6, 2017 
tamilsamayam.com
மணிரத்னம் இயக்கத்தில் கார்த்தி நடித்துள்ள ‘காற்று வெளியிடை’ படத்தின் ரொமாண்டிக் பாடல் காதலர் தினத்தை முன்னிட்டு வெளியாகவிருக்கிறது.
ஆஸ்கர் நாயகன் ஏ.ஆர்.ரகுமான் இசையில் கடந்த சில நாட்களுக்கு முன்னதாக வெளியான ‘அழகியே..’ பாடல் ரசிகர்கள் மத்தியில் கொண்டாடப்பட்டு வரும் நிலையில், இப்படத்தின் முதல் பார்வை டீசரில் வந்த ‘வான் வருவான்..’ எனும் காதல் பாடல் வருகிற பிப்.14ஆம் தேதி வெளியாகும் என்று அறிவிக்கப்பட்டுள்ளது.
மெட்ராஸ் டாக்கீஸ் தயாரிப்பில் உருவாகியுள்ள ரொமேண்டிக் ஆக்ஷன் திரைப்படமான ‘காற்று வெளியிடை’ படத்தில் கார்த்தி, அதிதி ராவ் ஹிதாரி ஜோடி சேர்ந்து நடித்துள்ளனர். இவர்களுடன், ஷ்ரத்தா ஸ்ரீநாத், ஆர்ஜே.பாலாஜி, டெல்லி கணேஷ் உள்ளிட்டோரும் முக்கிய கதாப்பாத்திரத்தில் நடித்துள்ளனர்.
தமிழ்-தெலுங்கு என இருமொழிகளில் உருவாகியுள்ள ‘காற்று வெளியிடை’ திரைப்படம் வருகிற ஏப்ரல் 7ஆம் தேதி வெளியாகவிருக்கிறது. இப்படத்தில் புதுவித பரிமாணத்தில் கார்த்தி நடித்துள்ளார். ‘ரோஜா’ படத்தைப் போன்று இந்த படமும் காதல், ஆக்ஷனில் கலக்கும் என்று எதிர்ப்பார்க்கப்படுகிறது.
For English News
