May 8, 2026 
தண்டோரா குழு
கோவை மாவட்டத்தில் 2026 ஆம் ஆண்டு நடைபெற்ற மேல்நிலை இரண்டாம் ஆண்டு பொதுத்தேர்வில் 96.66 சதவீத தேர்ச்சி பெற்று மாநில அளவில் 13வது இடத்தை கோவை மாவட்டம் பிடித்துள்ளது.
கோவை மாவட்டத்தில் மொத்தம் 35,448 மாணவர்கள் தேர்வு எழுதியதில், 34,264 பேர் தேர்ச்சி பெற்றுள்ளனர். இதில் மாணவர்கள் 16,235 பேர் தேர்வு எழுதியதில் 15,531 பேரும், மாணவிகள் 19,213 பேர் தேர்வு எழுதியதில் 18,733 பேரும் தேர்ச்சி பெற்றுள்ளனர். மாணவர்களின் தேர்ச்சி விகிதம் 95.66 சதவீதமாகவும், மாணவிகளின் தேர்ச்சி விகிதம் 97.50 சதவீதமாகவும் பதிவாகியுள்ளது.
கல்வி மாவட்ட வாரியாக பார்க்கையில், கோவை கல்வி மாவட்டத்தில் 96.79 சதவீதமும், பொள்ளாச்சி கல்வி மாவட்டத்தில் 96.17 சதவீதமும் தேர்ச்சி விகிதம் பதிவாகியுள்ளது.
மேலும், அரசு, அரசு உதவி பெறும் மற்றும் தனியார் பள்ளிகளை உள்ளடக்கிய மொத்தம் 158 பள்ளிகள் நூறு சதவீத தேர்ச்சி பெற்றுள்ளன. இதில் 13 அரசு பள்ளிகள், 7 அரசு உதவி பெறும் பள்ளிகள் மற்றும் 138 தனியார் மெட்ரிக் மற்றும் சுயநிதி பள்ளிகள் இடம்பெற்றுள்ளன.
நூறு சதவீத தேர்ச்சி பெற்ற அரசு பள்ளிகளில் வெள்ளலூர் அரசு மேல்நிலைப்பள்ளி, எடையார்பாளையம் அரசு மேல்நிலைப்பள்ளி, நாயக்கன்பாளையம் அரசு மேல்நிலைப்பள்ளி, அட்டக்கட்டி அரசு மேல்நிலைப்பள்ளி உள்ளிட்ட பள்ளிகள் இடம்பெற்றுள்ளன. அதேபோல் எஸ்.பி.ஓ.ஏ மெட்ரிக் மேல்நிலைப்பள்ளி, ஆல்வெர்னியா மகளிர் மேல்நிலைப்பள்ளி, விவேக் வித்யாலயா மெட்ரிக் பள்ளி, ஜி.ஆர்.ஜி மெட்ரிக் பள்ளி உள்ளிட்ட பல தனியார் பள்ளிகளும் 100 சதவீத தேர்ச்சி பெற்றுள்ளன.
பிளஸ் டூ தேர்வில் வெற்றி பெற்ற மாணவர்களுக்கு கவுண்டம்பாளையம் MLA கனிமொழி சந்தோஷ் வாழ்த்து
12 வகுப்பு பொதுத்தேர்வு முடிவு – கோவை மாவட்டம் 96.66 சதவீத தேர்ச்சி !
பருத்தி இறக்குமதி வரியை முழுமையாக நீக்க வேண்டும் கோவை ஜவுளித்துறையினர் மத்திய அரசுக்கு கோரிக்கை
கோவையில் கோடை கால ‘கோ கிளாம்’ மெகா ஷாப்பிங் கண்காட்சி துவக்கம்
கோவையில் சூயஸ் நிறுவனம் சார்பில் இலவச மருத்துவ பரிசோதனை முகாம்
இந்திய வணிகங்களுக்கு உலகளாவிய வாய்ப்புகளை விரிவுபடுத்த ‘வளர்ச்சி உச்சிமாநாடு 2026’: டெல்லியில் வால்மார்ட் நடத்தியது
For English News
