January 26, 2017 
தண்டோரா குழு
தமிழ்நாடு தவ்ஹீத் ஜமாஅத் கோவை தெற்கு மாவட்டம் வசந்தம் நகர் கிளையும் கோவை பிஎஸ்ஜி மருத்துவமனையும் இணைந்து பெண்கள் மற்றும் குழந்தைகளுக்கான இலவச மருத்துவ முகாமை வியாழக்கிழமை நடத்தின.
குனியமுத்தூர் வசந்தம் நகர் வர்க்கி கம்பெனி அருகிலுள்ள மதரஸதுத் ஹிதாயா அலுவலகத்தில் நடைபெற்ற இம்முகாமை ஜமாஅத் கிளைத் தலைவர் இஸ்மாயில் மற்றும் பிஎஸ்ஜி மருத்துவமனையின் மக்கள் தொடர்பு அலுவலர் அருண் ஆகியோர் தொடங்கி வைத்தனர்.
இந்த மருத்துவ முகாமில் பிஎஸ்ஜி மருத்துவமனையின் மருத்துவர் தலைமையில் 10 பேர் கொண்ட மருத்துவக் குழு பெண்கள் நல மருத்துவம், குழந்தைகள் நல மருத்துவம், தோல் மருத்துவம், கண் மற்றும் கண் புரை, பொது மற்றும் குடல் அறுவை சிகிச்சை இலவச பரிசோதனை மற்றும் மருத்தவ ஆலோசனைகள் வழங்கினர்.
இந்த முகாமின் அவசியத்தைப் பற்றி தமிழ்நாடு தவ்ஹீத் ஜாமத்தின் கோவை மாவட்ட மருத்துவ சேவை அணி செயலாளர் காஜா விளக்கினார். இந்த மருத்துவ முகாமில் 300க்கும் மேற்பட்ட பொதுமக்கள் கலந்து கொண்டு பயனடைந்தனர்.
For English News
