December 21, 2024 
தண்டோரா குழு
கோவை காரி மோட்டார் ஸ்பீட்வேயில் கடந்த 2 நாட்களாக நடைபெற்ற ஜேகே டயர் நோவிஸ் கோப்பை கார் பந்தயத்தில் 5 போட்டிகளில் மொத்தம் 37 புள்ளிகள் எடுத்து டிடிஎஸ் ரேசிங் அணியைச் சேர்ந்த லிரோன் ஜேடன் சாமுவேல் முதலிடம் பிடித்து வெற்றிவாகை சூடினார்.
இதேபோல் அணியைப் பொறுத்தவரை மொமண்டம் மோட்டார்ஸ்போர்ட் அணி சாம்பியன்ஷிப் பட்டத்தை வென்றது. இந்த அணியைச் சேர்ந்த ஆதித்யா பட்நாயக் 31 புள்ளிகளை எடுத்தார்.லிரோன் மற்றும் ஆதித்யா பட்நாயக் இருவரும் ஒரே நாளில் வியத்தகு சாதனையை நிகழ்ச்சி ரசிகர்களை உற்சாகத்தில் ஆழ்த்தினார்கள்.
உண்மையில்,ஆதித்யா பட்நாயக் மூன்று போட்டிகளில் வெற்றியைப் பெறுவதற்காக அன்றைய நான்காவது மற்றும் கடைசி பந்தயத்தில் சிறப்பாக காரை ஓட்டினார். ஆனால், நான்காவது பந்தயத்தில் ஜம்ப் ஸ்டார்ட் செய்ததற்காக 10 வினாடிகள் பெனால்டி விதிக்கப்பட்டது, அது அவரை நான்காவது இடத்திற்கு தள்ளியது.
இதன் காரணமாக புள்ளிகள் பட்டியலில் இரண்டாவது இடத்தைப் பிடித்த லிரோன் , முதலிடத்திற்கு முன்னேறினார்.அது அவரது புள்ளிகளின் எண்ணிக்கையை மேலும் உயர்த்தியது.இருப்பினும்,மொமெண்டம் மோட்டார் ஸ்போர்ட்ஸ் அணி 63 புள்ளிகளுடன் சாம்பியன்ஷிப் பட்டத்தை வென்றது.
அதேசமயம் டிடிஎஸ் ரேசிங் அணி வீரர்கள் கடுமையாக போராடியும், இரண்டு புள்ளிகள் குறைவாகவே பெற்றது. இதேபோல் எம்ஸ்போர்ட் அணியின் பெங்களூரைச் சேர்ந்த 16 வயது அபய் 3 போட்டிகளில் சிறப்பாக விளையாடினார் . நேற்று நடைபெற்ற 5 போட்டிகளில் 3 வது போட்டியில் முதலிடம் பிடித்தார்.
வெள்ளிக்கிழமை நடைபெற்ற போட்டியில் திருநெல்வேலியைச் சேர்ந்த லிரோன் மற்றும் அவரது டிடிஎஸ் ரேசிங் அணி வீரர் பொள்ளாச்சியைச் சேர்ந்த லோகித் எல்.ரவி முதல் பந்தயத்தில் முதல் இரண்டு இடங்களைப் பிடித்தனர். நேற்று நடைபெற்ற போட்டியில் லிரோன் முதல் மற்றும் நான்காவது போட்டியில் முதலிடம் பிடித்தார்.
இரண்டாவது பந்தயத்தில் ஆதித்யா ஆரம்பம் முதலே சிறப்பாக விளையாடினார். இருப்பினும்,அவர் அபயிடமிருந்து கடுமையான போட்டியை எதிர்கொண்டார், அவருக்கு அதிக அழுத்தம் இருந்தபோதிலும் , இரண்டு மற்றும் ஐந்தாவது போட்டியில் முதலிடம் பிடித்தார்.
கோவையில் நடைபெற்ற 4வது தேசிய பாரா த்ரோபால் சாம்பியன்ஷிப் போட்டி ஆந்திர அணி வெற்றி
மனித மூளைக்கும் கணினி மூளைக்கும் இடையேதான் வருங்காலத்தில் போட்டி இருக்கும் – நீயா நானா கோபிநாத் பேச்சு
மூளை அறுவை சிகிச்சைக்கு பிறகு மோட்டார் சைக்கிளில் கைலாய யாத்திரை; யோக விஞ்ஞானத்தின் சக்தியை காட்டுகிறது – சத்குரு
வாரணாசி, பாட்னா, மானேசர், ராஞ்சி, காஜியாபாத், ஆக்ரா மற்றும் அகர்தலா உட்பட நாடு முழுவதும் பிளிப்கார்ட்டின் விநியோகச் சங்கிலி தடம் விரிவாக்கம்
ஆசிரியர் தினத்தை கொண்டாடும் வகையில் மாதம் முழுவதும் ஆசிரியர்களுக்கும், கல்வியாளர்களுக்கும் பிரத்தியேக சலுகைகள் ஜி ஸ்கொயர், அறிவிப்பு
கோவை காளப்பட்டி பகுதியில் அடிசியா நிறுவனம் சார்பில் ஜல்லிகட்டு காளை சிலை திறப்பு
For English News
