January 23, 2017 
தண்டோரா குழு
அமெரிக்காவில் திருடன் என்று தவறாக நினைத்து மனைவியைச் சுட்டுக் கொன்றார் அவரது கணவர்.
இச்சம்பவம் அமெரிக்கா, வட கரோலினா மாகாணத்தில் உள்ள கோல்டிஸ்போரோ நடந்தது. இது குறித்து வட கரோலினா காவல்துறை அதிகாரி செய்தியாளர்களிடம் திங்கள்கிழமை (ஜனவரி 23) கூறியதாவது:
கோல்டிஸ்போரோ நகரைச் சேர்ந்தவர்கள் பில்லி வில்லியம்ஸ் (49) அவருடைய மனைவி ஜினா வில்லியம்ஸ் (48). அவர்களுக்கு இரண்டு குழந்தைகள் உள்ளனர்.
சம்பவத்தின்போது ஜினா இரவு பணிக்குச் சென்றுள்ளார். எப்பொழுதும் இரவு பணிக்குச் செல்லும் அவர் மறுநாள் காலையில் 8 மணிக்குத்தான் வீடு திரும்புவார். சம்பவத்தின்போது அவர் வழக்கமான நேரத்துக்கு முன்பே வீடு திரும்பியிருக்கிறார்.
அப்போது, யாரோ முன் கதவைத் திறக்கிறார்கள் என்று அவருடைய குழந்தை கூறியது. அதை அடுத்து, தன்னிடம் இருந்த துப்பாக்கியை எடுத்துக்கொண்டு முன் கதவைத் திறந்தார். வெளியே வெளிச்சம் இல்லாததால் வந்தது யார் என்று பில்லிக்குத் தெரியவில்லை.
கொலைச் சம்பவம் குறித்து அறிந்த போலீசார் அங்கு விரைந்தனர். அங்கு சென்ற போது ஜினா வில்லியம்ஸ் கழுத்துப் பகுதியில் துப்பாக்கிக் குண்டு பாய்ந்த நிலையில் வீட்டு வாசலில் கீழே விழுந்து கிடந்தார். அவருடைய கணவர் பில்லி அவருக்கு முதல் உதவி செய்து கொண்டிருந்தார். எங்களுடன் வந்திருந்த மருத்துவ உதவியாளர்கள் ஜினாவைப் பரிசோதித்தபோது அவர் இறந்துவிட்டார் என்று தெரிவித்தனர்.
காவல் துறையினர் பில்லி வில்லியம்ஸைக் கைது செய்து விசாரித்து வருகின்றனர்.
இது திட்டமிட்ட கொலை அல்ல. மாறாக ஒரு விபத்துதான் என்பதால் நாங்கள் பில்லிக்கு எதிராக வழக்குப் பதிவு செய்யவில்லை. இது குறித்து விசாரணை செய்து வருகிறோம்.
இவ்வாறு அவர் தெரிவித்தார்.
சின்னகுட்டை தேக்கத்தை புரணமைக்க கோவை குளங்கள் பாதுகாப்பு அமைப்பு அமைப்புடன் கூட்டு சேர்ந்த ப்ரூக்ஃபீல்டு !
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
For English News
