November 6, 2023 
தண்டோரா குழு
கோவை பாப்பீஸ் டவர் ஹோட்டலில் கிறிஸ்துமஸ் கேக் கலவை கலக்கும் திருவிழா நடைபெற்றது.
கிறிஸ்துமஸ் மற்றும் புத்தாண்டு பண்டிகை என்றாலே,நண்பர்கள் மற்றும் குடும்ப உறவினர்களிடையே அன்பை வெளிப்படுத்தவும் வேறுபாடுகளின்றி அனைவரும் கேக் வழங்கி மகிழ்ச்சியை வெளிப்படுத்துகின்றனர்.இந்நிலையில் கிறிஸ்துமஸிற்கு இன்னும் சில மாதங்கள் உள்ள நிலையில்,தமிழகத்தில் உள்ள பல்வேறு நட்சத்திர விடுதிகளில் பிளம் கேக் தயாரிக்கும் பணி துவங்கி உள்ளது.
இந்நிலையில்,கிறிஸ்துமஸ் விழாவிற்கு தயாரிக்கப்படும் கேக்களுக்கான மூலப் பொருள்கள் கலக்கும் திருவிழா கோவை ரேஸ் கோர்ஸ் பகுதியில் உள்ள பாப்பீஸ் டவர் ஓட்டலில் நடைபெற்றது.
இதில் கேக் தயாரிக்க தேவையான முந்திரி,உலர் திராட்சை, அத்திப்பழம், பாதாம், வால்நட் உள்ளிட்ட 20 வகையான உலர் பழங்கள் மற்றும் ஒயின் உள்ளிட்ட பழ ரசங்களை ஊற்றி கலந்து கேக் மிக்சிங் கலக்கும் நிகழ்ச்சி நடைபெற்றது.
இதில் பாப்பீஸ் டவர் நிறுவன பொது மேலாளர் பிரதீப், ஆப்ரேஷன் மேலாளர் பார்த்திபன்,மேலாளர் மகேந்திரன் தலைமையில் நடைபெற்ற இந்நிகழ்ச்சியில் ஊழியர்கள் மற்றும் வாடிக்கையாளர்கள் உட்பட பலர் ஆர்வமுடன் கலந்து கொண்டனர்.
இந்தக் கலவை கிறிஸ்துமஸ் வரை காற்று புகாத பைகளில் அடைத்து வைத்து, கேக் தயாரிக்கப்படும்.
For English News
