June 25, 2023 
தண்டோரா குழு
பா.ஜ.க இளைஞரணி கோவை மாநகர் மாவட்டம் சார்பில் இளைஞரணி மாவட்ட செயற்குழு கூட்டம் கோவை ராம்நகரில் நடைபெற்றது.கூட்டத்திற்கு பா.ஜ.க கோவை மாநகர் மாவட்ட தலைவர் பாலாஜி உத்தம ராமசாமி தலைமை வகித்தார். இளைஞரணி மாவட்ட தலைவர் அசோக் குமார் முன்னிலை வகித்தார்.
மாநில துணைத்தலைவர் மற்றும் மாவட்ட பார்வையாளர் பேராசிரியர் கனகசபாபதி சிறப்புரை ஆற்றினார்.இளைஞரணி மாவட்ட பார்வையாளர் மணிகண்டன் சிறப்பு அழைப்பாளராக கலந்து கொண்டார். கூட்டத்தில் மாநகராட்சிக்கு உட்பட்ட அனைத்து தார் சாலைகளும் மிகவும் மோசமான நிலையிலும் குண்டும், குழியுமாகவும் உள்ளன. எனவே, பழுதான சாலைகளை உடனடியாக
சீரமைக்க வேண்டும்.
பள்ளிகள்,கல்லூரிகள் மற்றும் மருத்துவமனைகள் அருகில் உள்ள டாஸ்மாக் கடையை அகற்ற வேண்டும் என்பது உள்ளிட்ட பல்வேறு தீர்மானங்கள் நிறைவேற்றப்பட்டன. நிகழ்ச்சியில் மாவட்ட பொது செயலாளர்கள் சதீஷ், பிரதேவ்,முருகானந்தம்,மாவட்ட நிர்வாகிகள், மற்றும் மண்டல் மையக்குழு உறுப்பினர்கள் உள்ளிட்ட பலர் கலந்து கொண்டனர்.
For English News
