April 18, 2023 
தண்டோரா குழு
கோவை குனியமுத்தூர் பகுதியில் நோன்பு திறக்கும் நிகழ்ச்சி நடந்தது. இதில் மனிதநேய மக்கள் கட்சி தலைவர் ஜவாஹிருல்லா கலந்து கொண்டார்.
பின்னர் செய்தியாளர்களிடம் அவர் பேசுகையில்,
‘‘ஜம்மு காஷ்மிரின் முன்னாள் ஆளுநர் சத்ய பால் மாலிக் புல்வாமா தாக்குதல் குறித்தும் கோவா மாநில அரசின் ஊழல்கள் குறித்தும் பிரதமர் மோடியிடம் கூறியுள்ளதாக பேசப்பட்ட விவகாரம் நாடு முழுவதும் அதிர்ச்சி அலைகளை உருவாக்கியுள்ளது. ஊழலுக்கு எதிரானவர் அல்ல மோடி எனவும் அவர் கருத்து தெரிவித்துள்ளார். இதனை பற்றி அண்ணாமலை ஒரு கருத்து கூட தெரிவிக்கவில்லை.
ஆனால் திமுகவின் ஊழல் பட்டியல் என சொல்லி சொத்து பட்டியல் ஒன்றை வெளியிட்டுள்ளார் அண்ணாமலை. தன்னிடம் ஆதாரம் உள்ளது என்றால் ஏன் வருமான வரித்துறையிடமோ, தேர்தல் ஆணையத்திடமோ அதை ஒப்படைக்கவில்லை, நடவடிக்கை எடுக்கவில்லை. அண்ணாமலை இது போன்று எதாவது செய்தால் தான் தினமும் நாளிதழ்களில் செய்தி வரும் என்பதற்காக செய்கின்றார். தமிழக அரசியல் தலைவர்கள் மத்தியல் அண்ணாமலை தற்போது மெகா காமெடி பீஸ்ஸாக உள்ளார்,’’ என்றார்.
For English News
