ராகுல்காந்தியின் போராட்டத்திற்கு தோள் நிற்போம் – முதலமைச்சர் மு.க.ஸ்டாலின்
“ஜெயலலிதா அவர்களே என் ரோல் மாடல்” -பிரேமலதா விஜயகாந்த் பேட்டி
ராகுல் காந்தி கைது – தவெக தலைவர் விஜய் கண்டனம்
செத்து சாம்பல் ஆனாலும் தனித்துதான் போட்டி – சீமான்
பாகிஸ்தானின் அணு ஆயுத மிரட்டலுக்கு அஞ்சமாட்டோம் – இந்தியா
மத்திய ஆசிரியர் தகுதித் தேர்வு: பட்டதாரிகள் அக்.16 வரை விண்ணப்பிக்கலாம்

வலைதளங்களில் வீரர்கள் குறைகளைத் தெரிவிக்கக்கூடாது -ராணுவத் தலைவர்

January 16, 2017

தண்டோரா குழு

“சமூக வலைதளங்கள் மூலம் வீரர்கள் தங்களது குறைகளைத் தெரிவிப்பது விதிகளை மீறும் செயலாகும்” என இந்திய ராணுவ தலைமைத் தளபதி விபின் ராவத் எச்சரித்துள்ளார்.

புது தில்லியில் ராணுவ தின கொண்டாட்ட நிகழ்ச்சி ஞாயிற்றுக்கிழமை நடைபெற்றது. இதில் சிறப்பாகப் பணியாற்றிய ராணுவ வீரர்களை கௌரவிக்கும் வகையில் விருதுகளை விபின் ராவத் வழங்கினார்.

அதன் பின் நிகழ்ச்சியில் அவர் பேசியதாவது:

“ராணுவ வீரர்களுக்குக் குறை ஏதும் இருந்தால், அது குறித்துப் புகார் தெரிவிக்க முறையான அமைப்பு உள்ளது. அந்த வழியை அவர்கள் கடைப்பிடிக்க வேண்டும். அந்தப் புகார் மீது எடுக்கப்பட்ட நடவடிக்கையில் வீரர்களுக்குத் திருப்தியில்லை என்றால், என்னை நேரடியாக அவர்கள் தொடர்பு கொள்ளலாம். அதற்கு மாறாக, சமூக வலைதளங்கள் மூலம் வீரர்கள் தங்களது குறைகளைத் தெரிவிப்பது, விதிகளை மீறும் செயலாகும்.

இது போன்ற செயல்கள் எல்லையில் பாதுகாப்புப் பணியில் ஈடுபட்டுள்ள வீரர்களின் நம்பிக்கையைக் குலைக்கும் செயலாகும். தீரத்துடன் எல்லையில் காவல் காக்கும் வீரர்களிடையே எதிர்மறையான எண்ணத்தை ஏற்படுத்தி விடும். எனவே, சமூக வலைதளம் மூலம் குறைகளைத் தெரிவிக்கும் வீரர்கள் தண்டிக்கப்படுவார்கள்.

நமது நாட்டுக்கு எதிராக பாகிஸ்தான் தொடர்ந்து மறைமுகப் போரில் ஈடுபடுகிறது. இருப்பினும் எல்லையில் அமைதி ஏற்பட வேண்டும் என்பதே நாட்டின் விருப்பமாகும்” என்றார்.

வலைதளங்களில் வீரர்கள் குறைகளைத் தெரிவிக்கக்கூடாது -ராணுவத் தலைவர்

மேலும் படிக்க

டிரெய்லர்கள் & டீஸர்கள்

வைரல் வீடியோக்கள்

கோயில்கள்

ஜோதிடம்