March 1, 2023 
தண்டோரா குழு
தமிழக முதல்வர் மு.க.ஸ்டாலின் இன்று (மார்ச் 1) தனது 70வது பிறந்தநாளைக் கொண்டாடுகிறார்.இதனையொட்டி இந்தியா அளவில் பல்வேறு அரசியல் கட்சி தலைவர்கள், மாநில முதல்வர்கள்,கட்சி தொண்டர்கள், பிரபலங்கள் என பல்வேறு தரப்பினரும் தங்கள் வாழ்த்துகளை தெரிவித்தனர்.
தமிழகத்தில் பல்வேறு இடங்களிலும் திமுக தொண்டர்கள் இனிப்பு வழங்கி கொண்டாடினார்கள்.இதன் ஒருபகுதியாக கோவை மாவட்டம் நம்பர் 4. வீரபாண்டி பேரூராட்சிக்குட்பட்ட சக்தி நகர் பகுதியில் புதியதாக கொடிகம்பம் நடப்பட்டு திமுக கொடி ஏற்றப்பட்டது. பொதுமக்களுக்கு இனிப்புகள் வழங்கி முதல்வர் பிறந்தநாள் விழா கொண்டாடப்பட்டது.
இந்நிகழ்வு பேரூராட்சி முன்னாள் தலைவர் ராஜேந்திரன் தலைமையில் கவுன்சிலர் சித்ரா தேவி, நிர்வாகி உதயணன் முன்னிலையில் நடந்தது. இதில் திமுக நிர்வாகிகள், பொதுமக்கள் என பலரும் கலந்து கொண்டனர்.
For English News
