January 9, 2023 
தண்டோரா குழு
கோவைப்புதூர் அற்புத குழந்தை இயேசு திருத்தலத்தின் தேர் திருவிழா நேற்று கொண்டாடப்பட்டது.
குழந்தை இயேசு திருத்தலத்தின் கொடியேற்றம் விழா கடந்த டிசம்பர் 28ம் தேதி நடைபெற்றது. இதனை தொடர்ந்து தேர் திருவிழா நேற்று நடைபெற்றது. இத்திருவிழாவை ஆயர் தாமஸ் ஆக்குவினாஸ், பங்கு தந்தை வினோத் ஆண்டனி, உதவி பங்கு தந்தை ராயப்பன்தாஸ் மற்றும் மறைமாவட்ட குருக்கள் முன்னிலையில் நடைபெற்றது.
சிறப்பு திருப்பலி நடைபெற்றது. இதில் ஏராளமான பக்தர்கள் கலந்து கொண்டனர். குழந்தை இயேசு திருத்தலத்திற்கு தமிழகத்தின் பல்வேறு மாவட்டங்களிலும் இருந்தும், வெளிமாநிலங்களிலும் இருந்தும் ஆயிரக்கணக்கில் பக்தர்கள் வந்திருந்தார்கள்.
For English News
