December 20, 2022 
தண்டோரா குழு
சென்னையில் பிளாக் மெரினா சினிமா பயிற்சி பட்டறை கடந்த 15 ஆண்டுகளாக செயல்பட்டு வருகிறது.தற்போது கோவை மாவட்டம் பொள்ளாச்சியில் இந்த பயிற்சி பட்டறை வரும் ஜனவரி மாதம் துவங்க உள்ளது.
நடிகர்,இயக்குனர், நடிப்பு பயிற்சியாளர் மாஸ்டர் பொன்முடி மற்றும் துணை இயக்குனர் வெண்ணிலா கே ரவிக்குமார் ஆகியோர் இணைந்து இந்த பயிற்சி பட்டறையை துவங்கி உள்ளனர்.
இது குறித்த பத்திரிக்கையாளர் சந்திப்பு கோவையில் நடைபெற்றது.இதில்,பிளாக் மெரினா சினிமா ஒருங்கிணைப்பாளர் வெண்னிலா கே.ரவிக்குமார், V3 இயக்குனர் அமுதவாணன், நடிப்பு பயிற்சியாளர் மாஸ்டர் பொன்முடி, இயக்குனர் உயிர் சுரேஷ், டான்ஸ் மாஸ்டர் புவனேஷ், நடிகர் வேல், உதவி இயக்குநர் மகேஸ்வரன்உள்ளிட்டோர் கலந்து கொண்டனர்.
அப்போது பேசிய அவர்கள்,
இன்றைய சூழலில் நடிப்பு கற்றுக்கொள்ள வேண்டும் என்றால் சென்னை செல்ல வேண்டிய சூழ்நிலை உள்ளது. தற்போது கோவையில் இந்த பயிற்சி பட்டறை ஆரம்பிக்கும் போது செலவுகள் மற்றும் நிறைய வசதிகள் கிடைக்கும். கோவையில் நிறைய பேர் சினிமாவில் நடிக்க வேண்டும் என்று ஆர்வம் உள்ளனர். ஆனால் அவர்களுக்கு சரியான பயிற்சி கிடைப்பதில்லை.
முறையான பயிற்சிகள் இருந்தால் வாய்ப்புகளை தேடி போவதை விட வாய்ப்புகள் தேடி வரும். எங்கள் பயிற்சி பட்டறையில் பயிற்சி பெற்றவர்கள் பலர் முன்னணி திரைப்படங்களில் முக்கிய கதாபாத்திரத்தில் நடித்துள்ளனர்.
கோவையிலேயே சிறந்த நடிகர்கள் கிடைத்தால் சென்னையில் இருந்து வரும் இயக்குனர்கள் திரையுலகினர் கோவை சேர்ந்த நடிகர்களையே பயன்படுத்த ஏதுவாக இருக்கும். இதனால் படத்தின் பட்ஜெட்டிற்கும் பேருதவியாக இருக்கும். அந்த வகையில் இந்த பயிற்சி பட்டறை திரையுலகத்தில் விழிக்க வேண்டும் என விரும்பும் நடிகர்களுக்கு சிறந்த தளமாக இருக்கும் என்றனர்.
இந்த பயிற்சி பட்டறையில் தமிழ் சினிமாவில் முன்னணி இயக்குனர்கள் நடிகர்கள் மாதம் ஒருமுறை பயிற்சி வழங்க உள்ளனர் என்பது கூடுதல் சிறப்பாகும்.
கோவையில் இயேசுவின் அன்பின் ஊழியம் சார்பில்பேரின்ப பெருவிழா 2024 நிகழ்ச்சி
ஐஐஐடி சங்கம் கோவை கிளை சார்பில் கோவையில் 300 அடி அகல சுவர் ஓவியம்
கோவை பீளமேட்டில் உள்ள பி.எஸ்.ஜி மேலாண்மை கல்லூரியின் பட்டமளிப்பு விழா
குமரகுரு நிறுவனங்கள் பயோ இன்டஸ்ட்ரி கான்க்ளேவ் 2024ஐ நடத்தியது
கோவை மேயர், துணை மேயர் ஆதரவில் வாட்ஸ் அப் குழுவில் டெண்டர் ஒதுக்கீடு – லஞ்ச ஒழிப்பு போலீசார் விசாரணை
எல்ஜி அதன் புதிய ஆயில்-லூப்ரிகேட்டட் ஸ்க்ரூ ஏர் கம்பிரஸர்களை உள்ளடக்கிய ‘ஈஜி சூப்பர் பிரீமியம்’ வரம்பை அறிமுகம் செய்துள்ளது
For English News
