September 17, 2022 
தண்டோரா குழு
கோவை மாவட்ட ஆட்சியர் சமீரன் தெரிவித்துள்ளதாவது,
கோவை மாவட்டத்தில் 37வது கொரோனா தடுப்பூசி முகாம் வரும் 18ம் தேதி (ஞாயிற்றுக்கிழமை) நடக்க உள்ளது. கோவை மாவட்டத்தில் 1530 இடங்களில் தடுப்பூசி மையங்கள் அமைத்து தடுப்பூசி வழங்கிட ஏற்பாடுகள் செய்யப்பட்டுள்ளது. இதில் கிராமப்புறங்களில் 1081 முகாம்களும், மாநகராட்சி பகுதிகளில் 340 முகாம்களும், நகராட்சி பகுதிகளில் 109 முகாம்களும் நடத்திட திட்டமிடப்பட்டுள்ளது.
கோவை மாவட்டத்தில் இதுவரை 18 வயதிற்கு மேற்பட்டவர்களுக்கு 29 லட்சத்து 16 ஆயிரத்து 812 நபர்களுக்கு முதல் தவணையும், 26 லட்சத்து 83 ஆயிரத்து 800 நபர்களுக்கு இரண்டாம் தவணையும், 15-18 வயதிற்குட்பட்ட சிறுவர்களுக்கு 1 லட்சத்து 42 ஆயிரத்து 264 முதல் தவணையும், 1 லட்சத்து 15 ஆயிரத்து 233 இரண்டாம் தவணையும், 12-14 வயதிற்குட்பட்ட சிறுவர்களுக்கு 90 ஆயிரத்து 666 முதல் தவணையும், 66 ஆயிரத்து 729 இரண்டாம் தவணையும் தடுப்பூசிகள் வழங்கப்பட்டுள்ளது. மேலும் 60 வயதிற்கு மேற்பட்டவர்களில் 82 ஆயிரத்து 061 பேருக்கும், 19-59 மேற்பட்டவர்களில் 1 லட்சத்து 67 ஆயிரத்து 099 பேருக்கும் முன்னெச்சரிக்கை (பூஸ்ட்டர்) தவணை தடுப்பூசியும் வழங்கப்பட்டுள்ளது.
For English News
