August 4, 2022 
தண்டோரா குழு
அனலிடிக்ஸ் மற்றும் செயற்கை நுண்ணறிவு தீர்வுகள் நிறுவனமான கோர்ஸ்5 இன்டெலிஜென்ஸ்,உள்ளூர் திறமையாளர்களை ஈர்க்கவும்,வளர்ச்சித் திட்டங்களை அதிகரிக்கவும், கோவையில் ஒரு புதிய வசதியை அமைத்துள்ளது.
இந்த நிறுவனம், உயர்தர பொறியியல் கல்லூரிகள் மற்றும் கோர்ஸ்5 இன் செயற்கை நுண்ணறிவு ஆய்வகங்களுடன் இணைந்து பெரிய அளவிலான வணிகத் திட்டங்கள் மற்றும் செயற்கை நுண்ணறிவு – அடிப்படையிலான ஆராய்ச்சி திட்டங்களுக்கான புதிய வசதிகளில் தரவு விஞ்ஞானிகள், தரவு பொறியாளர்கள், பகுப்பாய்வு நிபுணர்கள் மற்றும் செயற்கை நுண்ணறிவு விஞ்ஞானிகளை பணியமர்த்துதலில் கவனம் செலுத்தும்.
மும்பையைத் தலைமையிடமாகக் கொண்ட இந்நிறுவனம், இந்தியாவில் பெங்களூரு மற்றும் குருகிராமிலும், இங்கிலாந்து, அமெரிக்கா மற்றும் ஐக்கிய அரபு எமிரெட்ஸ் ஆகிய இடங்களிலும் மற்ற அலுவலகங்களைக் கொண்டுள்ளது.
கோர்ஸ்5, அதன் உலகளாவிய வாடிக்கையாளர்களுக்கு சிறந்ததை வழங்கும் அதே வேளையில் உயர்தர திறமையாளர்களை ஈர்ப்பதற்கும் வளர்ப்பதற்கும் உறுதிபூண்டுள்ளது. கோயம்புத்தூர் மற்றும் அதைச் சுற்றியுள்ள பகுதிகள் தொழில்நுட்பத் திறமையாளர்களின் வளமான ஆதாரத்தை வழங்குவதாக இந்த நிறுவனத்தின் நிர்வாகம் நம்புகிறது, அவர்களில் பெரும்பாலானவர்கள் இங்கு அமைந்துள்ள சில சிறந்த பொறியியல் பல்கலைக்கழகங்களில் இருந்து வெளிவருகின்றனர். இந்த பிராந்தியத்தில் விரிவாக்கம், கோயம்புத்தூருக்கு அருகில் உள்ள பகுதிகளில் உள்ள திறமைக் குழுவிற்கு கூடுதல் அணுகலுடன் கோர்ஸ்5 இன்டெலிஜென்ஸ்-க்கு வழங்கும்.
இந்நிறுவனம் அடுத்த சில ஆண்டுகளில் இந்த நகரத்தில் 2000க்கும் மேற்பட்ட அனலிட்டிக்ஸ் மற்றும் டேட்டா சயின்ஸ் நிபுணர்களை படிப்படியாக வேலைக்கு அமர்த்த திட்டமிட்டுள்ளது.
கோயம்புத்தூர் வசதி குறித்து, கோர்ஸ்5 இன்டெலிஜென்ஸ் இன் தலைவர், ஆனு மற்றும் தலைமை நிர்வாக அதிகாரி, அஷ்வின் மிட்டல் கூறுகையில்,
“இந்த புதிய வசதியானது வலுவான பகுப்பாய்வு மற்றும் எஐ மையத்தை உருவாக்குவதற்கான எங்கள் நடவடிக்கையின் ஒரு பகுதியாகும். அடுத்த ஐந்து ஆண்டுகளில் கோயம்புத்தூரில் செயல்பாடுகளை கணிசமாக அதிகரிக்க திட்டமிட்டுள்ளோம். இந்தப் பிராந்தியத்தில் அளப்பரிய திறமையாளர்கள் உள்ளனர் என்று நாங்கள் நம்புகிறோம், மேலும் அந்த திறமை தளத்தை வெற்றிப் பாதையில் கொண்டு செல்ல கோர்ஸ்5 பல்கலைக்கழகத்தின் நிரூபிக்கப்பட்ட செயல்முறையை நாங்கள் கொண்டு வருவோம்” என்றார்.
For English News
