July 7, 2022 
தண்டோரா குழு
கோவை மாநகராட்சி கிழக்கு மற்றும் வடக்கு மண்டலத்தில் ரூ.146 கோடி மதிப்பீட்டில் கட்டபட்டுவரும் நகர்நல மைய கட்டப்பணிகளை மாநகராட்சி மேயர் கல்பனா ஆனந்தகுமார் மற்றும் மாநகராட்சி கமிஷனர் பிரதாப் ஆகியோர் நேற்று நேரில் பார்வையிட்டு ஆய்வு செய்தனர்.
கிழக்கு மண்டலம் பீளமேட்டில் ரூ.99 லட்சம் மதிப்பீட்டில் கட்டப்பட்டு வரும் தேசிய நகர்ப்புற நல்வாழ்வு மையம் மற்றும் ரூ.22 லட்சம் மதிப்பீட்டில் கட்டப்பட்டு வரும் ஆய்வகம் ஆகியவற்றை நேரில் ஆய்வு செய்தனர். பின்னர், பீளமேடு நகர்ப்புற ஆரம்ப சுகாதார நிலையத்திற்கு சென்று ஆய்வு மேற்கொண்டனர். மருந்து, மாத்திரை கையிருப்பு பற்றி அங்குள்ள அலுவலர்களிடம் கேட்டறிந்தனர். பின்னர், அதே பகுதியில் ரூ.25 லட்சம் மதிப்பீட்டில் கட்டப்பட்டு வரும் நகர்நல மையத்தை ஆய்வு செய்தனர்.
கட்டுமான பணிகளை விரைவாகவும், தரமாகவும் முடிக்க உத்தரவிட்டனர்.இதன்பிறகு, பீளமேடு பகுதியில் செயல்பட்டு வரும் குப்பை தரம் பிரிக்கும் மையத்தை ஆய்வு செய்தனர். குப்பை தரம் பிரிக்கும் பகுதியை சுத்தமாக பராமரித்து பயன்படுத்த வேண்டும் என அறிவுரை வழங்கினர்.இதனைத்தொடர்ந்து, சத்தி சாலையில் உள்ள மாடு அறுவைமனை, நல்லாம்பாளையம் சக்தி நகர் பகுதியில் உள்ள ரயில்வே தரைப்பாலம் ஆகியவற்றை பார்வையிட்டனர். மழைக்காலங்களில் தேங்கும் மழைநீரை மின் மோட்டார் மூலம் வெளியேற்ற உத்தரவிட்டனர்.
இந்த ஆய்வின்போது, துணை மேயர் வெற்றிச்செல்வன், உதவி கமிஷனர்கள் சங்கர், மோகனசுந்தரி, உதவி செயற்பொறியாளர் செந்தில்பாஸ்கர், நகர்நல அலுவலர் சதீஷ்குமார், மண்டல சுகாதார ஆய்வாளர் ராதாகிருஷ்ணன் மற்றும் சுகாதார ஆய்வாளர்கள் உடனிருந்தனர்.
கோவை மாநகராட்சியில் அட்வான்ஸ் ஒர்க்,பில் பெண்டிங்; ஒப்பந்ததாரர்கள் நல சங்கம் புகார்
கோவையில் இயேசுவின் அன்பின் ஊழியம் சார்பில்பேரின்ப பெருவிழா 2024 நிகழ்ச்சி
ஐஐஐடி சங்கம் கோவை கிளை சார்பில் கோவையில் 300 அடி அகல சுவர் ஓவியம்
கோவை பீளமேட்டில் உள்ள பி.எஸ்.ஜி மேலாண்மை கல்லூரியின் பட்டமளிப்பு விழா
குமரகுரு நிறுவனங்கள் பயோ இன்டஸ்ட்ரி கான்க்ளேவ் 2024ஐ நடத்தியது
கோவை மேயர், துணை மேயர் ஆதரவில் வாட்ஸ் அப் குழுவில் டெண்டர் ஒதுக்கீடு – லஞ்ச ஒழிப்பு போலீசார் விசாரணை
For English News
