May 20, 2022 
தண்டோரா குழு
உதயநிதி ஸ்டாலின் நடித்த,நெஞ்சுக்கு நீதி திரைப்படம் வெளியானதை முன்னிட்டு, கோவை மாநகர உதயநிதி ஸ்டாலின் ரசிகர் நற்பணி மன்றம் சார்பாக, பட்டாசு வெடித்தும் இனிப்புகள் வழங்கி கொண்டாடினர்.
பிரபல நடிகரும் சட்டமன்ற உறுப்பினருமான உதயநிதி ஸ்டாலின் நடித்து,அருண்ராஜா காமராஜ் இயக்கியுள்ள படம் நெஞ்சுக்கு நீதி..ரெட் ஜெயண்ட் மூவிஸ் மற்றும் ஜீ ஸ்டுடியோ தயாரிப்பில்,ரசிகர்களின் பெரும் எதிர்பார்ப்பிற்கு இடையே திரையரங்குகளில் நெஞ்சுக்கு நீதி இன்று வெளியானது.கோவை இரயில் நிலையம் சாந்தி திரையரங்கில் படம் வெளியானதை தொடர்ந்து கோவை மாவட்டம் மற்றும் மாநகர் உதயநிதி ஸ்டாலின் ரசிகர் நற்பணி மன்றம் சார்பாக பட்டாசு வெடித்தும் இனிப்புகள் வழங்கியும் ரசிகர்கள் கொண்டாடினர்.
மாவட்ட தலைவர் இருகூர் பூபதி தலைமையில் நடைபெற்ற இதில்,மாவட்ட செயலாளரும்,87 வது வார்டு மாமன்ற உறுப்பினரும் ஆன உதயநிதி பாபு,மாநகர தலைவர் டேவிட் ராஜா ஆகியோர் முன்னிலை வகித்தனர்.முன்னதாக கோவை வ.ஊ.சி.மைதான வளாகத்தில் மேள தாளங்களுடன் இரு சக்கர வாகனத்தில் ரசிகர்கள் ஊர்வலமாக படம் வெளியாகிய சாந்தி திரையரங்கற்கு வந்தனர்.
தொடர்ந்து ரசிகர், ரசிகைகள் தங்களது அபிமான நடிகர் நடித்து படம் வெளியானதை கொண்டாடும் விதமாக நடனம் ஆடி மகிழ்ச்சியை வெளிப்படுத்தினர்இந்நிகழ்ச்சியில் மாநகர பொறுப்பாளர் ராகுல் ராம் மற்றும் நிர்வாகிகள் வினோத், முனிப்பாண்டி, செந்தில், அப்பாஸ், சுல்தான்,செல்லா,டேவிட் பீட்டர் உட்பட பலர் கலந்து கொண்டனர்.
For English News
