May 18, 2022 
தண்டோரா குழு
கோவை மாநகராட்சியின் வரி விதிப்பு மற்றும் நிதிக்குழு கூட்டம் மாநகராட்சியின் பிரதான அலுவலக கூட்டரங்கில் குழுத் தலைவர் வி.பி.முபசீரா தலைமையில் நடைபெற்றது.
கோவை மாநகராட்சியில் 600 சதுரடி வரை பரப்பளவு உள்ள குடியிருப்பு கட்டிடங்களுக்கு 25 சதவீதம், 1200 சதுரடி பரப்பளவு வரையுள்ள குடியிருப்பு கட்டிடங்களுக்கு 50 சதவீதம், 1800 சதுரடி வரையுள்ள குடியிருப்பு கட்டிடங்களுக்கு 75 சதவீதம், 1800 சதுரடிக்கு அதிகவுள்ள குடியிருப்பு கட்டிடங்களுக்கு 100 சதவீதம் சொத்து வரி உயர்வு செய்யலாம்.
வணிக பயன்பாட்டு கட்டிடங்களுக்கு 100 சதவீதம்,தொழிற்சாலைகள், சுயநிதி பள்ளி மற்றும் கல்லூரி கட்டிடங்களுக்கு 75 சதவீதம் சொத்து வரி உயர்வு செய்யலாம்,காலிமனைக்கு 100 சதவீதம் உயர்வு செய்யலாம் என மாநகராட்சி மாமன்ற கூட்டத்தில் முடிவு செய்யப்பட்டு,வரி விதிப்பு மற்றும் நிதிக்குழுவின் இறுதி ஒப்புதலுக்கு அனுப்பி வைக்கப்பட்டது குறிப்பிடத்தக்கது.
இந்நிலையில் நேற்று நடைபெற்ற வரி விதிப்பு மற்றும் நிதிக்குழு கூட்டத்தில் சொத்து வரி உயர்வு தொடர்பான ஆலோசனை நடைபெற்றது. ஆலோசனைக்கு பிறகு, சொத்து வரி உயர்வுக்கு ஒப்புதல் தெரிவித்து, மாநகராட்சி மாமன்ற தீர்மானம் நிறைவேற்றவும் பரிந்துரை செய்ய முடிவு செய்யப்பட்டது. இக்கூட்டத்தில், மாநராட்சி வருவாய் உதவி கமிஷனர் செந்தில்குமார் ரத்தினம், வரி விதிப்பு மற்றும் நிதிக்குழு உறுப்பினர்கள் கலந்து கொண்டனர்.
கோவையில் சூயஸ்குடிநீர் வினியோகம் குறித்து அரசு கலை கல்லூரி மாணவர்களுக்கு பயிற்சி பட்டறை
கோவை நகரில் ஜனவரி முதல் ஜூலை வரை இணைய மோசடியில் ரூ.49 கோடி இழப்பு : ரூ.14 கோடியை மீட்ட சைபர் கிரைம் போலீசார்
கோவையில் நியூரோடைவர்ஸ் பாதிப்படைந்தவர்களை மேம்படுத்துவது தொடர்பான சமூக கருத்தரங்கம்
ஜிஆர்ஜி மாடர்ன் ஸ்காலர்ஸ் சர்வதேச பள்ளியின் சார்பில் மாநகராட்சி பள்ளிக்கு புத்தகங்கள் வழங்கும் நிகழ்ச்சி விழா
கோவை அவினாசிலிங்கம் பல்கலைக்கழகத்தில் புதிதாக நியமிக்கப்பட்ட துணைவேந்தர்களின் வட்டமேசை மாநாடு!
சஹோதயா இன்டர் ஸ்கூல் கால்பந்து போட்டியில் கேம்போர்டு பள்ளி சாதனை
For English News
