May 6, 2022 
தண்டோரா குழு
கோவை மாநகராட்சி கிழக்கு மண்டலத்திற்குட்பட்ட காமராஜர் சாலையில் குடிநீர் குழாய் உடைப்பு ஏற்பட்டு சரி செய்யும் பணிகள் நடைபெற்று வருகிறது. இதனை மேயர் கல்பனா ஆனந்தகுமார் நேரில் பார்வையிட்டு ஆய்வு மேற்கொண்டார்.
கோவை மாநகராட்சி கிழக்கு மண்டலத்திற்குட்பட்ட நெடுஞ்சாலை துறைக்கு சொந்தமான காமராஜர் சாலையில் மதுக்கரைக்கு செல்லும் பிரதான குடிநீர் குழாயில் உடைப்பு ஏற்பட்டுள்ளது.இந்த குழாய் உடைப்பை தமிழ்நாடு குடிநீர் வடிகால் வாரியத்தினர் சரிசெய்து வருகின்றனர். இப்பணியை கோவை மாநகராட்சி மேயர் கல்பனா ஆனந்தகுமார் நேரில் பார்வையிட்டு ஆய்வு மேற்கொண்டார்.
பின்னர் அவர், உடைப்பை விரைந்து சரிசெய்ய சம்மந்தப்பட்ட அலுவலர்களுக்கு உத்தரவிட்டார். இந்த ஆய்வின் போது கிழக்கு மண்டல உதவி கமிஷனர் மாரிச்செல்வி, 54வது வார்டு கவுன்சிலர் பாக்கியம்,உதவி செயற்பொறியாளர், உதவி நகரமைப்பு அலுவலர் மற்றும் பலர் உடனிருந்தனர்.
For English News
