April 20, 2022 
தண்டோரா குழு
தமிழக அரசின் அறிவிப்பின் படி நீர்நிலைகளில் விவசாயிகள் வண்டல் மண் எடுக்க கோவை மாவட்ட நிர்வாகம் சிறப்பான ஏற்பாடு செய்துள்ளது.
இதுகுறித்து தமிழ்நாடு விவசாயிகள் சங்க மாவட்ட தலைவர் சு.பழனிசாமி கூறியதாவது:
தமிழக சட்டமன்ற கூட்ட தொடரில் நீர்நிலைகளில் விவசாயிகள் வண்டல் மண் எடுக்க அறிவிப்பு வெளிவந்துள்ளது. இந்த அறிவிப்புக்கு தமிழக முதல்வருக்கு விவசாயிகள் சங்கம் சார்பாக நன்றியினை தெரிவித்து கொள்கிறோம். தமிழக அரசின் அறிவிப்பு படி கோவை மாவட்டத்தில் உள்ள நீர்நிலைகளில் வண்டல் மண் எடுக்க விவசாயிகளுக்கு மாவட்ட நிர்வாகம் சிறப்பான ஏற்பாடு செய்துள்ளது.இதனை முழுமையாக வரவேற்கிறோம்.
மேலும் கோவை மாவட்டத்தில் உள்ள அனைத்து நீர்நிலைகளும் தூர்வாரப்பட வேண்டும். நீர்வழித்தடங்களில் உள்ள குப்பைகளை அகற்ற நடவடிக்கை எடுக்க வேண்டும். ஏரிகளின் வரப்புகளை உயர்த்த வேண்டும்.
இவ்வாறு அவர் கூறினார்.
For English News
