September 26, 2017 
விண்டீஸ் அணிக்கு எதிராக அரைசதம் விளாசிய இங்கிலாந்தின் ஜோ ரூட், 27 ஆண்டு சாதனையை தகர்த்தார்.
இங்கிலாந்து சென்றுள்ள விண்டீஸ் அணி, 5 ஒருநாள் போட்டிகள் கொண்ட தொடரில் பங்கேற்கிறது. இரண்டு போட்டிகளின் முடிவில், இங்கிலாந்து அணி, 1-0 என முன்னிலையில் உள்ளது.
இந்நிலையில் இரு அணிகள் மோதும் மூன்றாவது ஒருநாள் போட்டி பிரிஸ்டாலில் நடக்கிறது. இதில் ‘டாஸ்’ வென்ற விண்டீஸ் அணி முதலில் பீல்டிங் தேர்வு செய்தது.
இதையடுத்து களமிறங்கிய இங்கிலாந்து அணிக்கு ரூட் (84), ஸ்டோக்ஸ் (73) ஆகியோர் அரைசதம் அடித்து கைகொடுத்தனர். மொயின் அலி 57 பந்தில் 8 சிக்சர், 7 பவுண்டரிகள் உட்பட 102 ரன்கள் அடித்து கைகொடுக்க, இங்கிலாந்து அணி, 50 ஓவரில் 9 விக்கெட்டுக்கு 369 ரன்கள் குவித்தது.
இதில் 84 ரன்கள் விளாசிய ஜோ ரூட், ஒரே சம்மரில் அதிக ரன்கள் விளாசிய இங்கிலாந்து வீரர் என்ற புதிய சாதனை படைத்தார். இவர் இந்த ஆண்டில் மட்டும் 1342 ரன்கள் குவித்துள்ளார். முன்னதாக கடந்த 1990 முன்னாள் இங்கிலாந்து வீரர் கிராஹம் கூச் 1277 ரன்கள் எடுத்ததே சாதனையாக இருந்தது.
இந்த சாதனையை ரூட் சுமார் 27 ஆண்டுகளுக்கு பின் தற்போது தகர்த்துள்ளார். முன்னாள் கேப்டன் குக் (1205 ரன்கள்) இப்பட்டியலில் மூன்றாவது இடத்தில் உள்ளார்.
கோவை மாநகராட்சியில் அட்வான்ஸ் ஒர்க்,பில் பெண்டிங்; ஒப்பந்ததாரர்கள் நல சங்கம் புகார்
கோவையில் இயேசுவின் அன்பின் ஊழியம் சார்பில்பேரின்ப பெருவிழா 2024 நிகழ்ச்சி
ஐஐஐடி சங்கம் கோவை கிளை சார்பில் கோவையில் 300 அடி அகல சுவர் ஓவியம்
கோவை பீளமேட்டில் உள்ள பி.எஸ்.ஜி மேலாண்மை கல்லூரியின் பட்டமளிப்பு விழா
குமரகுரு நிறுவனங்கள் பயோ இன்டஸ்ட்ரி கான்க்ளேவ் 2024ஐ நடத்தியது
கோவை மேயர், துணை மேயர் ஆதரவில் வாட்ஸ் அப் குழுவில் டெண்டர் ஒதுக்கீடு – லஞ்ச ஒழிப்பு போலீசார் விசாரணை
For English News
