April 2, 2018 
tamilsamayam.com
இந்திய அணியின் முன்னாள் வீரர் விரேந்திர சேவாக், பஞ்சாப் அணிக்காக மீண்டும் ஐபிஎல் போட்டிகளில் ஓபனிங் பேட்ஸ்மேனாக களமிறங்க உள்ளார்.
11 வது ஐபிஎல் போட்டிகள், ஏப்ரல் 7 ஆம் தேதி நடைபெற உள்ளது. முன்பு எப்பொழுதும் இல்லாத அளவிற்கு, இந்த ஆண்டு ஐபிஎல் போட்டிகளுக்கான எதிர்ப்பார்ப்பு இப்போதே ரசிகர்கள் மத்தியில் தொற்றிக்கொண்டுள்ளது. இந்த ஆண்டு நடைபெறும் முதல் போட்டியில் மும்பை இந்தியன்ஸ் அணியும், 2 ஆண்டு தடைக்குப் பின் களமிறங்கும் சென்னை சூப்பர் கிங்ஸ் அணியும் மோத உள்ளன.
இந்நிலையில், கிங்ஸ் லெவன் பஞ்சாப் அணியின் ஓபனிங் பேட்ஸ்மேனான ஆரோன் பின்ச்க்கு ஏப்ரல் 7 ஆம் தேதி திருமணம் நடைபெற உள்ளதால், ஏப்ரல் 8 ஆம் தேதி டெல்லி அணிக்கு எதிராக நடக்கும் பஞ்சாப் அணியின் முதல் போட்டியில் களமிறங்கமாட்டார் என தெரிவிக்கப்பட்டிருந்தது.
இதைத்தொடர்ந்து, அந்தப் போட்டியில் பின்ச்க்குப் பதிலாக ஓபனிங் பேட்ஸ்மேனாக விரேந்தர் சேவாக் களமிறங்குவார் என பஞ்சாப் அணி அறிவித்துள்ளது. பயிற்சியின் போது, விரேந்தர் சேவாக் சிறப்பாக பந்துகளை எதிர்கொண்டதாக அந்த அணியின் பயிற்சியாளர் பிரேட் ஹாச் தெரிவித்துள்ளார்.
இந்திய அணியின் அதிரடி பேட்ஸ்மேனாக திகழ்ந்த விரேந்தர் சேவாக், கடந்த 2015 ஆம் ஆண்டு சர்வதேச மற்றும் ஐபிஎல் போட்டிகளிலிருந்து ஓய்வுபெற்றார். பின்னர், வர்ணனையாளராகவும், பஞ்சாப் அணியின் மேலாளராகவும் பணியாற்றி வந்தார். தற்போது, அவர் பஞ்சாப் அணிக்காக ஓய்விலிருந்து மீண்டும் வந்து விளையாடுகிறார் என்பது குறிப்பிடத்தக்கது. இந்தச் செய்தியால் கிரிக்கெட் ரசிகர்கள் அனைவரும் உற்சாகத்தில் உள்ளனர்.
சின்னகுட்டை தேக்கத்தை புரணமைக்க கோவை குளங்கள் பாதுகாப்பு அமைப்பு அமைப்புடன் கூட்டு சேர்ந்த ப்ரூக்ஃபீல்டு !
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
For English News
