January 29, 2019 
தண்டோரா குழு
ஆஸ்திரேலியாவில் வரும் 2020 ஆம் ஆண்டு நடைபெற உள்ள ஆடவர் மற்றும் மகளிர் டி20 கிரிக்கெட் உலகக்கோப்பை போட்டிகளுக்கான அட்டவணையை ஐசிசி இன்று வெளியிட்டுள்ளது.
2020ம் ஆண்டிற்கான டி20 உலகக்கோப்பை தொடர் ஆஸ்திரேலியாவில் அடுத்த ஆண்டு அக்டோபர் 24 முதல் நவம்பர் 15 வரை நடைபெற உள்ளது. அதன்படி அக்டோபர் 24 முதல் நவம்பர் 8 வரை லீக் சுற்றுப்போட்டிகளும், நவம்பர் 11 மற்றும் 12 ஆகிய இருநாட்களும் அரையிறுதிப் போட்டிகளும், நவம்பர் 15 தேதி இறுதிப்போட்டியும் நடைபெறுகிறது. மொத்தம் 16 அணிகள் பங்கேற்கும் இந்த தொடரில் 45 போட்டிகள் நடக்கின்றன.
இந்நிலையில் இந்த தொடருக்கான அட்டனையை இன்று ஐசிசி வெளியிட்டுள்ளது. இதில், இந்திய அணி இடம்பெற்றுள்ள குரூப் 2 வில், இந்திய அணியோடு இங்கிலாந்து, தென் ஆப்பிரிக்கா, ஆப்கானிஸ்தான் ஆகிய அணிகள் உள்ளன. மேலும் தகுதிச்சுற்றில் வெற்றிபெறும் 2அணிகள் இந்த குரூப்பில் இடம்பெறும். அதைபோல் குரூப் 1ல் மேற்கிந்தியத் தீவுகள், பாகிஸ்தான், ஆஸ்திரேலியா, நியூசிலாந்து ஆகிய அணிகள் உள்ளன.
இந்திய அணியின் விளையாடவுள்ள போட்டி விவரங்கள்
அக்டோபர் 24 – இந்தியா – தென் ஆப்பிரிக்கா (பெர்த்)
அக்டோபர் 29 – இந்தியா – தகுதிச்சுற்றில் ஏ பிரிவில் 2 ஆம் இடத்தில் உள்ள அணி. (மெல்போர்ன்)
நவம்பர் 1- இந்தியா – இங்கிலாந்து. (மெல்போர்ன்)
நவம்பர் 5 -இந்தியா – தகுதிச்சுற்றில் பி பிரிவில் முதல் இடத்தில் உள்ள அணி. (அடிலெய்ட்)
நவம்பர் 8 – இந்தியா – ஆப்கானிஸ்தான் (சிட்னி)
ஆதியோகி முன்னாடி ஈஷா கிராமோத்சவம் பைனல்ஸ் விளையாட ஆசை – கூக்கால் கிராமத்து இளைஞரின் கனவு!
கோவையில் ப்ரீட்லிங் புதிய கிளை திறப்பு
கோவையில் சூயஸ்குடிநீர் வினியோகம் குறித்து அரசு கலை கல்லூரி மாணவர்களுக்கு பயிற்சி பட்டறை
கோவை நகரில் ஜனவரி முதல் ஜூலை வரை இணைய மோசடியில் ரூ.49 கோடி இழப்பு : ரூ.14 கோடியை மீட்ட சைபர் கிரைம் போலீசார்
கோவையில் நியூரோடைவர்ஸ் பாதிப்படைந்தவர்களை மேம்படுத்துவது தொடர்பான சமூக கருத்தரங்கம்
ஜிஆர்ஜி மாடர்ன் ஸ்காலர்ஸ் சர்வதேச பள்ளியின் சார்பில் மாநகராட்சி பள்ளிக்கு புத்தகங்கள் வழங்கும் நிகழ்ச்சி விழா
For English News
