August 23, 2017
இங்கிலாந்தில் நடக்கும் நாட்வெஸ்ட் டி-20 பிளாஸ்ட் முதல் காலிறுதியில் ஹாம்ஷியர் வீரர் அப்ரிதி 42 பந்தில் சதம் விளாசினார்.
இங்கிலாந்தில் உள்ளூர் டி-20 கிரிக்கெட் தொடாரான நாட்வெஸ்ட் டி-20 பிளாஸ்ட் கிரிக்கெட் தொடர் நடக்கிறது. இதில் பெர்பியில் நடந்த முதல் காலிறுதி போட்டியில் ஹாம்ஷியர், டெர்பிஷியர் அணிகள் மோதின.
இதில் முதலில் ’டாஸ்’ வென்ற டெர்பிஷியர் அணி, முதலில் பீல்டிங் தேர்வு செய்தது. இதையடுத்து களமிறங்கிய ஹாம்ஷியர் அணிக்கு துவக்க வீரர் அப்ரிதி அதிரடியாக சதம் விளாசி (101 ரன்கள், 10 பவுண்டரி, 7 சிக்சர்), கேப்டன் வின்சி (55 ரன்கள்) அரைசதம் கைகொடுக்க, அந்த அணி 20 ஓவரில், 8 விக்கெட்டுக்கு 249 ரன்கள் குவித்தது.
கடின இலக்கை துரத்திய டெர்பிஷியர் அணி, 19.5 ஓவரில், 148 ரன்களுக்கு ஆல் அவுட்டானது. இதன் மூலம் ஹாம்ஷியர் அணி 101 ரன்கள் வித்தியாசத்தல் வெற்றி பெற்றது. டெர்பிஷியர் அணிக்கு எதிராக சதம் விளாசிய ஹாம்ஷியர் வீரர் அப்ரிதி, டி-20 அரங்கில் தனது முதல் சதத்தை பதிவு செய்தார்.