August 29, 2018 
தண்டோரா குழு
ஆசிய விளையாட்டுப் போட்டியில் வெள்ளிப்பதக்கம் வென்ற தமிழக வீரர் ஆரோக்கிய ராஜிவிற்கு ரூ.30 லட்சம் பரிசுத்தொகை வழங்கப்படுவதாக தமிழக முதலமைச்சர் பழனிசாமி அறிவித்துள்ளார்.
18வது ஆசிய விளையாட்டுப் போட்டிகள் இந்தோனேசியாவின் ஜகார்த்தா மற்றும் பலேம்பங் நகரங்களில் கடந்த ஆகஸ்ட் 18 ஆம் தேதி துவங்கி நடைபெற்று வருகின்றன.இந்நிலையில் நேற்று நடைபெற்ற கலப்பு 4X400 மீட்டர் ரிலே இறுதிப் போட்டியில் இந்திய அணி சார்பில் முகமது அனாஸ்,ஹிமா தாஸ்,ஆரோக்கிய ராஜிவ்,பூவம்மா ராஜு ஆகியோர் கலந்துக் கொண்டு 3 நிமிடம் 15.71 வினாடிகளில் பந்தய தூரத்தை கடந்து வெள்ளிப் பதக்கத்தை வென்றனர்.
இந்நிலையில் இதில் கலந்துக் கொண்ட தமிழகத்தைச் சேர்ந்த ஆரோக்கிய ராஜிவிற்கு 30 லட்சம் ரூபாய் ஊக்கத் தொகையாக வழங்கப்படும் என்று தமிழக முதலமைச்சர் எடப்பாடி பழனிச்சாமி அறிவித்துள்ளார்.
For English News
