January 5, 2018 
தண்டோரா குழு
குஜராத் மாநிலத்தில் உடல் நிலை சரியில்லாத தாயை பெற்ற மகனே மாடியில் இருந்து தள்ளி கொலை செய்த சம்பவம் பெரும் பரபரப்பை ஏற்படுத்தியுள்ளது.
குஜராத் மாநிலத்தின் ராஜ்கோட் பகுதியில் உள்ள தனியார் கல்லூரியில் பேராசியராகப் பணியாற்றி வந்தவர் சந்தீப் நத்வானி. இவரது தாயார் ஜெர்ஸ்ரீபென் நன்வனி(64).இவர் தனது மகன் சந்தீப்புடன் அடுக்குமாடி குடியிருப்பில் வசித்து வந்தார். நீண்ட நாட்களாக உடல்நிலை சரியில்லாமல் இருந்தஜெர்ஸ்ரீபென் கடந்த செப்டம்பர் 29ம் தேதி மாடியிலிருந்து கீழே விழுந்து சம்பவ இடத்திலேயே பரிதாபமாக உயிரிழந்தார். இது குறித்து போலீசார் நடத்திய விசாரணையில் உடல்நிலை சரியில்லாத தனது தாய் மாடியில் இருந்து தடுமாறி கீழே விழுந்துவிட்டதாக சந்தீப் கூறியுள்ளார்.
இந்நிலையில் இது சம்மந்தமான வழக்கை காவல்துறையினா் மீண்டும் விசாரித்தனர். அப்போது, குடியிருப்பில் உள்ள சி.சி.டி.வி. கேமராவை போலீசார் ஆராய்ந்தனர். அதில்,ஜெய்ஸ்ரீ உயிரிழந்த அன்று சந்தீப் ஜெய்ஸ்ரீயை வலுக்கட்டாயமாக மாடிக்கு இழுத்து செல்வதும், சிறிது நேரத்தில் சந்தீப் மட்டும் மாடியிலிருந்து கீழே இறங்கி வந்து தன் வீட்டுக்குள் சென்று கதவை பூட்டிக் கொள்வதும் பதிவாகியுள்ளது.
சந்தீப் தனது தாய்க்கு தொடர்ந்து மருத்துவ சிகிச்சையளித்து வந்துள்ளார். ஒரு கட்டத்தில் தாயை கவனித்து கொள்வதில் சந்தீப்புக்கு சலிப்பு ஏற்பட்டு அது வெறுப்பாக மாறியுள்ளது.இதனால், தாயை கொலை செய்ததாக சந்தீப் ஒப்புக்கொண்டார். இதையடுத்து, சி.சி.டி.வி. காட்சிகளை வைத்து தற்போது காவல்துறையினர் சந்தீப்பைகைதுசெய்து அவர் மீது IPC2013 பிரிவின் கீழ் வழக்குப் பதிவு செய்துள்ளனர்.
கோவை அவினாசிலிங்கம் பல்கலைக்கழகத்தில் புதிதாக நியமிக்கப்பட்ட துணைவேந்தர்களின் வட்டமேசை மாநாடு!
சஹோதயா இன்டர் ஸ்கூல் கால்பந்து போட்டியில் கேம்போர்டு பள்ளி சாதனை
கோவையில் 3 நாட்கள் நடைபெறும் இந்தியாவின் மிகப்பெரிய குளோபல் சோலார் கண்காட்சி துவக்கம்
சிஐஐ சார்பில் கோவையில் நடைபெற்ற இந்திய தொழில் கூட்டமைப்பு சார்பில் 9வது தேசிய உயர்கல்வி மாநாடு
‘ஸ்கூட்ஸ் ‘எவரிவேர் சேல்’ அறிவிப்பு! – விமானம் பயணம் எங்கும் விற்பனை – இங்கும் அங்கும் செல்ல சலுகை கட்டணம் ரூபாய்.5,900-லிருந்து துவக்கம்
கே.எம்.சி.ஹெச் மருத்துவ கல்லூரி சார்பில் தடாகத்தில் ஊரக மருத்துவ மையம் திறப்பு
For English News
