November 26, 2018 
தண்டோரா குழு
சர்கார் படத்துக்கு நவம்பர் 6 முதல் 16 வரை மதுரை மாவட்ட தியேட்டர்களின் வசூல் விவரங்களை ஆட்சியர் தாக்கல் செய்ய உயர்நீதிமன்றக்கிளை உத்திரவிட்டுள்ளது.
ஏ.ஆர்.முருகதாஸ் இயக்கத்தில் சன் பிக்சர்ஸ் நிறுவனம் தயாரிப்பில் விஜய் நடிப்பில் கடந்த 6ம் தேதி வெளியான படம் சர்கார். இப்படம் மாபெரும் வசூல் சாதனை படைத்தது. இதற்கிடையில்,மதுரையில் சர்கார் திரைப்படத்திற்கு கூடுதல் கட்டணம் வசூலிப்பதாக மகேந்திர பாண்டி என்பவர் வழக்கு தொடர்ந்தார்.அதில் அரசாணையை பின்பற்றாமல் கூடுதல் கட்டணம் வசூலிப்பதாக தெரிவிக்கப்பட்டிருந்தது.
இது தொடர்பாக விசாரித்த உயர்நீதி மன்ற மதுரை கிளை,மதுரையில் சர்கார் திரைப்படத்திற்கு கூடுதல் கட்டணம் வசூலித்த திரையரங்குகள் மீது எடுக்கப்பட்ட நடவடிக்கைகள் என்ன? நவம்பர் 6 முதல் 16 வரை மதுரை மாவட்ட திரையரங்குகளின் தினசரி கட்டண வருவாய் அறிக்கையை தாக்கல் செய்ய மதுரை மாவட்ட ஆட்சியருக்கு உயர்நீதிமன்ற மதுரைக்கிளை உத்தரவிட்டுள்ளது.
For English News
