November 3, 2016 
தண்டோரா குழு
கொலம்பியா நாட்டு அதிபர் ஜுவான் மேன்யுல் சான்டோஸ் பிரிட்டனுக்கு அரசு முறைப் பயணம் மேற்கொண்டுள்ளார். அவருக்கு பிரிட்டிஷ் அரசி சார்பில் மிக ஆடம்பரமான அரசியின் வரவேற்பும் விருந்தும் செவ்வாய்க்கிழமை அளிக்கப்பட்டன.
அப்போது, பிரிட்டிஷ் இளவரசர் பிலிப்புக்கு கொலம்பியா அதிபர் சான்டோஸ் வித்தியாசமான பேனாவைப் பரிசாக அளித்தார்.துப்பாக்கித் தோட்டாக்களைக் கொண்டு மறுசுழற்சி முறையில் தயாரிக்கப்பட்ட பேனாவைத்தான் அவர் அன்பாக அளித்தார்.இந்த வித்தியாசமான பரிசு, போரைக் கைவிட்டு, சமாதானத்தை மேற்கொள்வதை வலியுறுத்தும் வகையில் அமைந்துள்ளது.
கொலம்பியா அதிபர் சான்டோஸ் ஏற்கெனவே, ஐ.நா. பொதுச் செயலாளர் பான் கீ மூனுக்கு பரிசாக அளித்திருந்தார். அந்தப் பேனாவில், “தோட்டாக்கள் எங்கள் இறந்தகாலத்தை எழுதின. கல்வி எதிர்காலத்தை எழுதும்” எனப் பொறிக்கப்பட்டுள்ளது.
கொலம்பியா அதிபர் சான்டோஸ் கடந்த மாதம் அமைதிக்கான நோபல் பரிசை வென்றார். உள்நாட்டுப் போரை முடிவுக்குக் கொண்டுவந்ததை உலகமே பாராட்டும் விதத்தில் இந்தப் பரிசு வழங்கப்பட்டது.
கொலம்பிய அதிபர் ஜுவான் மேன்யூல் சான்டோஸ், அவரது மனைவி மரியா க்லெமென்சியா ரோட்ரிகோ ஆகியோருக்கு பிரிட்டிஷ் அரசவை சார்பில் ஆடம்பரமான வரவேற்பு செவ்வாய்க்கிழமை அளிக்கப்பட்டது.
அதில் பங்கேற்ற அரசி எலிசபெத் நீலமணிக் கல்லையும், வைரம் பதித்த தலைப்பாகையையும் அணிந்திருந்தார். இவற்றை அவர் 1960ம் ஆண்டுகளில் வாங்கினார். இது தவிர, எடின்பரோ கோமகனுடன் அவருக்குத் திருமணம் நடந்தபோது அளிக்கப்பட்ட நெக்லஸ், காதுத் தோடு ஆகியவற்றையும் அணிந்து அசத்தினார்.
எலிசபெத் அரசியுடன், இளவரசர்கள் பிலிப், சார்லஸ், கமீலா பார்க்கர் விருந்தில்
பங்கேற்றனர்.கொலம்பியா அதிபரும் அவரது மனைவியும் பக்கிங்ஹாம் மாளிகையில் ஓரிரு தினங்கள் தங்கியிருப்பர்.இளவரசர் சார்லஸும், அவரது மனைவி கமீலாவும் கொலம்பியா நாட்டுக்கு இரு ஆண்டுகளுக்கு முன் பயணம் மேற்கொண்டனர்.
விவசாயத்திற்காக 2 நிமிடங்கள் ஒதுக்குங்கள்! – சத்குரு
எந்த இடத்திலும், எவ்விதமான சூழலிலும் கலப்படத்துக்கு இடமில்லை – ஸ்ரீ கிருஷ்ணா ஸ்வீட்ஸ் நிறுவனத்தின் நிர்வாக இயக்குனர் கிருஷ்ணன்
ஹோண்டா மோட்டார் சைக்கிள் & ஸ்கூட்டர் இந்தியா தமிழ்நாட்டில் வலையமைப்பை விரிவாக்கம்; ஈரோட்டில் புதிய டீலர்ஷிப் தொடக்கம்
தூய்மை பணியாளர்கள், மாற்றுத்திறனாளிகளுக்கு திராவிட பொங்கல் பரிசு – ஆரோக்கிய ஜான் வழங்கினார்
குரோ மியூச்சுவல் ஃபண்ட் நிறுவனம் சார்பில் குரோ ஸ்மால் கேப் ஃபண்ட் அறிமுகம்
கோயம்புத்தூரின் சிறந்த மாணவர்களுக்கான அலன் கரியர் இன்ஸ்டிட்யூட் “SOPAN 2025” பாராட்டு விழாவை நடத்தியது
For English News
