December 23, 2016 
தண்டோரா குழு
பிகார் மாநிலத்தில் மதுவிலக்கு அமல்படுத்தப்பட்ட பின் சாலை விபத்துகள் 19 சதவீதம் குறைந்துள்ளன என்று பிகார் மாநில முதலமைச்சர் நிதீஷ் குமார் தெரிவித்தார். சாலை விபத்துகளால் பலியானவர்களின் எண்ணிக்கையும் 31 சதவீதம் குறைந்துவிட்டன என்றார் அவர்.
இது குறித்து அவர் வெள்ளிக்கிழமை வெளியிட்டுள்ள அறிக்கையில் தெரிவித்ததாவது:
பிகார் மாநிலத்தில் மதுவிலக்கு அமல்படுத்தப்பட்ட பின், ஏப்ரல்1 ம் தேதி முதல் நவம்பர் 30-ம் தேதி வரையிலான 7 மாத காலகட்டத்தில், மாநிலத்தில் நடந்த சாலை விபத்துகள் 19 சதவீதம் குறைந்துள்ளன. விபத்துகளால் பலியானவர்களின் எண்ணிக்கையும் 31 சதவீதம் குறைந்துள்ளன.
மது ஒழிப்பால் மது குடித்து வந்த மக்கள் மதுவுக்குச் செலவிடும் தொகையை தற்போது பால், இனிப்புகள், உடைகள் மற்றும் வீட்டு உபயோகப் பொருட்கள் வாங்குவதற்குச் செலவிடுகின்றனர்.
தேசிய மற்றும் மாநில நெடுஞ்சாலைகளில் உள்ள, மதுக்கடைகளுக்கு உச்ச நீதிமன்றம் தடை விதித்துள்ளது. அந்த மதுபானக் கடைகள் உடனடியாக அகற்றப்பட வேண்டும் எனவும் தற்போது வழங்கியுள்ள உரிமத்தை 2017-ம் ஆண்டு மார்ச் மாதத்துக்குப் பின் புதுப்பிக்கக் கூடாது எனவும் அனைத்து மாநிலங்களுக்கும் உச்ச நீதிமன்றம் உத்தரவிட்டுள்ளது.
இந்த உத்தரவு வரவேற்கத்தக்கது. மாநிலத்தில் மதுவிலக்கு அமல்படுத்தப்பட்டபோது என்னை விமர்சித்தவர்களுக்கு இத்தீர்ப்பு சரியான பதிலடி.
மது குடித்து வந்த மக்கள் மதுவுக்குச் செலவிடும் தொகையைத் தற்போது பால், இனிப்புகள், உடைகள் மற்றும் வீட்டு உபயோகப் பொருட்கள் வாங்குவதற்குச் செலவிடுகின்றனர். இதனை உறுதி செய்யும் விதமாக அவற்றின் விற்பனை அதிகரித்துவிட்டது.
இவ்வாறு அவர் தெரிவித்தார்.
தென்னிந்திய சைவ,அசைவ உணவு வகைகளை வீட்டு சுவை மாறாமல் வழங்கும் அம்மணி மெஸ் கோவையில் துவக்கம்
ஆதியோகி முன்னாடி ஈஷா கிராமோத்சவம் பைனல்ஸ் விளையாட ஆசை – கூக்கால் கிராமத்து இளைஞரின் கனவு!
கோவையில் ப்ரீட்லிங் புதிய கிளை திறப்பு
கோவையில் சூயஸ்குடிநீர் வினியோகம் குறித்து அரசு கலை கல்லூரி மாணவர்களுக்கு பயிற்சி பட்டறை
கோவை நகரில் ஜனவரி முதல் ஜூலை வரை இணைய மோசடியில் ரூ.49 கோடி இழப்பு : ரூ.14 கோடியை மீட்ட சைபர் கிரைம் போலீசார்
கோவையில் நியூரோடைவர்ஸ் பாதிப்படைந்தவர்களை மேம்படுத்துவது தொடர்பான சமூக கருத்தரங்கம்
For English News
