January 18, 2018 
தண்டோரா குழு
பிப்ரவரி 21ஆம் தேதி அப்துல் கலாம் வீட்டில் இருந்து நடிகர் கமல்ஹாசன் தனது அரசியல் பயணத்தை தொடங்குகிறார்.
நடிகர் கமல்ஹாசன் பிப்.21ம் ஆம் தேதி தனது அரசியல் பயணத்தை தொடங்குவதாகவும் அன்றைய தினம் கட்சியின் பெயரை அறிவிக்க போவதாகவும் அறிவித்தார். இதற்கிடையில் பிரபல வார இதழில் நடிகர் கமல்ஹாசன் எழுதும் தொடரில் தனது அரசியல் பயணம் குறித்து தெரிவித்து வருகிறார்.
இந்நிலையில், இந்த வார இதழில், திராவிடம் என்பது தமிழ்நாடு தழுவியது மாத்திரம் அல்ல; நாடு தழுவியது. மிகப்பெரிய சரித்திரமும் ஆந்த்ரோபாலஜியும் தொல்பொருள் ஆராய்ச்சியும் திராவிடத்தில் உள்ளது. என்று குறிப்பிட்டுள்ளார்.
மேலும், பிப்ரவரி 21ஆம் தேதி ராமேஸ்வரம் கலாம் வீட்டில் இருந்து தனது அரசியல் பயணத்தை தொடங்குவதாகவும் இதற்கு காரணம், கலாமிற்கு பல கனவுகள் இருந்தன, அவரை போல பல கனவுகளை கொண்டவன் தான் எனவும் அவர் விளக்கமளித்துள்ளார். இதுமட்டுமின்றி விமர்சிப்பது மட்டுமே என் வேலையன்று, நான் இறங்கி வேலை செய்ய வந்தவன் என்றும் கூறியுள்ளார்.
For English News
