July 9, 2016 
தண்டோராக் குழு
கோவையில் நடைபெறும் பல்வேறு சாலைப் பணிகளில் பணிபுரிவதற்காக திருச்சி மாவட்டம், மணப்பாறை பகுதியைச் சேர்ந்தவர்கள் பலர் இங்குத் தங்கியுள்ளனர். இவர்களில் பலர் பூண்டி பகுதியில் தங்கி அருகில் நடக்கும் சாலை போடும் வேலைக்குச் சென்று வந்துள்ளனர். இதில் இருந்த 7 பேர் இரு தினங்களுக்கு முன் அடுத்தடுத்து மயங்கி விழத் துவங்கினர்.
இதனால் அப்பகுதியில் பரபரப்பு ஏற்பட்டது. இதையடுத்து அவர்கள் அனைவரும் அரசு மருத்துவமனைக்குக் கொண்டு செல்லப்பட்டதோடு, உடன் இருந்தவர்களும் பீதியடைந்து மருத்துவமனைக்குச் சென்று பரிசோதனை செய்துகொண்டனர். இதனால் அப்பகுதியில் ஏதேனும் தொற்றுநோய் பரவியுள்ளதா என சுகாதாரத்துறை ஆய்வாளர்கள் சோதனை மேற்கொண்டனர். ஆனால் மற்ற யாரிடமும் எந்த அறிகுறியும் இல்லாததால் பாதிக்கப்பட்டவர்களிடமே தீவிர விசாரணை
மேற்கொண்டனர்.
இதில் அவர்கள் அனைவரும் அப்பகுதியில் கேட்பாரற்று வளர்ந்திருந்த சுண்டைக்காயை பறித்துக் குழம்பு வைத்துச் சாப்பிட்டுள்ளனர். அது அவர்கள் உடலுக்கு ஒத்துக் கொள்ளாததால் அவர்கள் மயங்கி விழுந்தனர் எனக் கண்டுபிடித்தனர். இதனால் அப்பகுதியில் இரண்டு நாட்கள் நிலவிய பரபரப்பு முடிவுக்கு வந்தது.
நாடாளுமன்றத் தேர்தலில் அ.தி.மு.க.கூட்டணிக்கு ஆதரவு ஐக்கிய முஸ்லிம் முன்னேற்ற கழகம் அறிவிப்பு
பி.எஸ்.ஜி பாலிடெக்னிக் கல்லூரியில் மாணவர்களின் படைப்புகள் கண்காட்சி
வாக்களிக்கும் உரிமையையும், பொறுப்பையும் கையிலெடுங்கள்! – சத்குரு
குமரகுரு கல்லூரி மாணவர்களால் உருவாக்கப்பட்ட எரிசக்தி படகு, சர்வதேச போட்டியில் மூன்றாவது முறையாக பங்கேற்கிறது!
மாற்றுத்திறனாளி இளைஞர்களும் ஆன்லைன் உணவு டெலிவரி செய்யும் வகையில் புதிய எலக்ட்ரிக் சைக்கிள் !
கோயமுத்தூர் இன்னர் வீல் கிளப் சார்பாக அரசு தொடக்கப்பள்ளிக்கு புதிய வகுப்பறைகள் அர்ப்பணிப்பு
For English News
