ராகுல்காந்தியின் போராட்டத்திற்கு தோள் நிற்போம் – முதலமைச்சர் மு.க.ஸ்டாலின்
“ஜெயலலிதா அவர்களே என் ரோல் மாடல்” -பிரேமலதா விஜயகாந்த் பேட்டி
ராகுல் காந்தி கைது – தவெக தலைவர் விஜய் கண்டனம்
செத்து சாம்பல் ஆனாலும் தனித்துதான் போட்டி – சீமான்
பாகிஸ்தானின் அணு ஆயுத மிரட்டலுக்கு அஞ்சமாட்டோம் – இந்தியா
மத்திய ஆசிரியர் தகுதித் தேர்வு: பட்டதாரிகள் அக்.16 வரை விண்ணப்பிக்கலாம்

இறந்த பெண்ணின் உடலை உடைத்து மூட்டைக் கட்டி எடுத்துச் சென்ற ஊழியர்கள், ஒடிசாவில் தொடரும் சோகம்

August 26, 2016

தண்டோரா குழு

ஒடிசா மாநிலம், காலாகேண்டியில் நேற்று காச நோயால் இறந்த தனது மனைவியின் உடலைச் சொந்த கிராமத்திற்கு எடுத்துச்செல்ல மருத்துவமனை நிர்வாகம் ஆம்புலன்ஸ் வழங்காததால் மனைவியின் சடலத்தை 10 கிமீ தூரத்திற்கு தனது தோளில் சுமந்தபடியே சென்ற கணவரது வீடியோ சமூக வலைத்தளத்தில் வைரலாக பரவி பெரும் பரபரப்பை ஏற்படுத்தியது.

இந்நிலையில், அந்தப் பரபரப்பு அடங்குவதற்குள் மீண்டும் ஒரு சம்பவம் அதே மாநிலத்தில் அரங்கேறியுள்ளது.

ஓடிஸா மாநிலம் பாலசோர் மாவட்டத்தில் உள்ள சோரோ ரயில் நிலையம் அருகே சரக்கு ரயில் மோதி 80 வயது விதவையான சாலாமணி பெகெரா என்பவர் கடந்த புதன்கிழமை உயிரிழந்தார்.

இதையடுத்து ரயில்வே போலீசாருக்கு தகவல் தெரிவிக்கப்பட்டது. எனினும், ரயில்வே போலீசார் 12 மணி நேரம் தாமதமாகவே வந்ததாகக் கூறப்படுகிறது. அங்கு வந்த அவர்கள் சடலத்தை மீட்டனர். எனினும், பிரேத பரிசோதனைக்காக 30 கிமீ தொலைவில் உள்ள பாலசோர் மாவட்ட மருத்துவமனைக்குத் தான் கொண்டு செல்ல வேண்டும்.

ஆனால், அங்கு ஆம்புலன்ஸ் வசதி ஏதும் இல்லாத காரணத்தால் சடலத்தை அருகிலிருக்கும் ரயில்நிலையம் கொண்டு சென்று அங்கிருந்து ரயில் மூலம் எடுத்துச் செல்ல முடிவு செய்துள்ளனர்.

இதைத்தொடர்ந்து சாலாமணி உடலை உள்ளூர் சுகாதார மைய ஊழியர்கள் ரயில்நிலையம் வரை தூக்கிச் சென்றுள்ளனர். நீண்ட நேரம் ஆனதால் உடலில் விரைப்பு தன்மை கூடி உடலைக் கொண்டு செல்ல முடியாமல் ஊழியர்கள் சிரமப்படப்பட்டுள்ளனர். இதையடுத்து சுகாதார மைய ஊழியர் ஒருவர் சாலாமணியின் இடுப்பில் ஏறி நின்று உடலை இரண்டாக ஒடித்துள்ளார்.

பின்னர், இரண்டு ஊழியர்களும் உடலை பிளாஸ்டிக் கவரில் போட்டு, துணியால் மூட்டைக் கட்டி
மூங்கிலில் தொங்கவிட்டு எடுத்துச் சென்றனர். தற்போது இந்தப் புகைப்படமும் சமூக வலைத்தளத்தில் வைரலாக பரவி பரபரப்பை ஏற்படுத்தி வருகிறது.

இறந்த பெண்ணின் உடலை உடைத்து மூட்டைக் கட்டி எடுத்துச் சென்ற ஊழியர்கள், ஒடிசாவில் தொடரும் சோகம்

மேலும் படிக்க

டிரெய்லர்கள் & டீஸர்கள்

வைரல் வீடியோக்கள்

கோயில்கள்

ஜோதிடம்