October 10, 2018 
தண்டோரா குழு
மத்திய அமைச்சர் எம்.ஜெ.அக்பர் தன் மீதான பாலியல் புகாருக்கு உரிய விளக்கம் அளிக்க வேண்டும் அல்லது பதவி விலக வேண்டும் என காங்கிரஸ் வலியுறுத்தி வருகிறது.
உலகம் முழுக்க ஒரு ஹேஸ்டேக் பல புயல்களை,பல குற்றச்சாட்டுகளை,பல தீர்வுகளை,பல சர்ச்சைகளை சுமந்து வலம் வருகிறது என்றால் அது “மீடூ” “#MeToo” ஹேஷ்டேக் தான்.அமெரிக்கா,ஆஸ்திரேலியா என்று சுற்றிய இந்த ஹேஷ்டேக் தற்போது இந்தியாவிலும் பிரபலமடைந்துள்ளது.
பாலியல் ரீதியாகப் பாதிக்கப்பட்டதை வெளியே சொல்லாமல் புழுங்கிக்கொண்டிருந்த பெண்கள்,சமூகவலைதளங்களில்,மீடூ இயக்கத்தின் மூலம் தற்போது தங்களுக்கு ஏற்பட்ட நிலையைக் கூறி வருகின்றனர்.திரையுல பிரபலங்கள் தொடங்கி பல்வேறு துறையிலும் நடந்த பாலியல் ரீதியான பாதிப்புகளை பெண்கள் வெளியிட்டு வருகின்றனர்.
அந்த வகையில் மத்திய அமைச்சர் எம்.ஜெ.அக்பர் மீது பெண் பத்திரிக்கையாளர் ஒருவர் சமீபத்தில் டுவிட்டர் மூலம் பாலியல் புகார் அளித்தார்.அவரால் பல பெண்கள் பாதிக்கப்பட்டிருப்பதாகவும் குற்றம் சாட்டி இருந்தார்.இந்த புகார் குறித்து இதுவரை மத்திய அமைச்சர் எந்த பதிலும் அளிக்கவில்லை.இந்த விவகாரம் எம்.ஜே.அக்பருக்கு மட்டுமின்றி மத்திய அரசுக்கும் பெரும் நெருக்கடியை ஏற்படுத்தியுள்ளது.தற்போது இந்த விவகாரத்தை எதிர்கட்சியான காங்கிரஸ் கையில் எடுத்துள்ளது.
இந்நிலையில்,தனது துறையின் இணையமைச்சர் மீது பாலியல் ரீதியான புகார் வந்துள்ள நிலையில் வெளியுறவு அமைச்சர் சுஷ்மா சுவராஜ் அமைதி காப்பது ஏன்? அமைச்சர் அக்பர் இதுகுறித்து உரிய விளக்கம் அளிக்க வேண்டும்.இல்லாவிட்டால் பதவி விலக வேண்டும்.இந்த விவகாரம் குறித்து விசாரணை நடத்தப்பட வேண்டும் என காங்., எம்.பி., ஜெய்பால் ரெட்டி தெரிவித்துள்ளார்.
ஆதியோகி முன்னாடி ஈஷா கிராமோத்சவம் பைனல்ஸ் விளையாட ஆசை – கூக்கால் கிராமத்து இளைஞரின் கனவு!
கோவையில் ப்ரீட்லிங் புதிய கிளை திறப்பு
கோவையில் சூயஸ்குடிநீர் வினியோகம் குறித்து அரசு கலை கல்லூரி மாணவர்களுக்கு பயிற்சி பட்டறை
கோவை நகரில் ஜனவரி முதல் ஜூலை வரை இணைய மோசடியில் ரூ.49 கோடி இழப்பு : ரூ.14 கோடியை மீட்ட சைபர் கிரைம் போலீசார்
கோவையில் நியூரோடைவர்ஸ் பாதிப்படைந்தவர்களை மேம்படுத்துவது தொடர்பான சமூக கருத்தரங்கம்
ஜிஆர்ஜி மாடர்ன் ஸ்காலர்ஸ் சர்வதேச பள்ளியின் சார்பில் மாநகராட்சி பள்ளிக்கு புத்தகங்கள் வழங்கும் நிகழ்ச்சி விழா
For English News
