October 13, 2017 
தண்டோரா குழு
பாரிஸ் நகரிலுள்ள வீட்டில் ஒரு சிங்கக்குட்டியை அனாதையாக விட்டுவிட்டு சென்ற நபரை காவல்துறையினர் கைது செய்துள்ளனர்.
பிரான்ஸ் நாட்டின் தலைநகரான பாரிஸில் வசிக்கும் 24 வயது இளைஞர் ஒருவர், தன்னிடம் ஒரு சிங்கக்குட்டி இருப்பதை பெருமையாக காட்டிக்கொள்ள,விலங்குகாட்சியகத்தில் இருந்து வாடகைக்கு வாங்கியுள்ளார்.பின்னர் அதனுடன் இணைந்து புகைப்படம் எடுத்து சமூக வலைத்தளங்களில் பதிவிட்டுள்ளார்.
இதன் பிறகு, பாரிஸ் நகரின் புறநகர் பகுதியில் அந்த இளைஞருக்கு சொந்தமான மற்றொரு வீட்டில் அதை அனாதையாக விட்டுவிட்டு சென்றுவிட்டார். அந்த இளைஞர் சமூக வளைத்தளத்தில் வெளியிட்ட புகைப்படத்தை கண்ட காவல்துறையினர், அவர் மீது சந்தேகம் அடைந்து அந்த இளைஞரை கைது செய்தனர்.
இதனையடுத்து அவரிடம் நடத்திய விசாரணையில், தன்னிடம் ஒரு சிங்கக்குட்டி இருப்பதை பெருமையாக காட்டிக்கொள்ள, அதை வாடகைக்கு வாங்கியதாகவும், பிறகு அதை அனாதையாக விட்டுவிட்டு வந்ததாகவும் தெரிவித்துள்ளார்.
உடனே காவல்துறை அதிகாரிகள்,தீயணைப்பு படைக்கு தகவல் தந்தனர். தகவலறிந்த அவர்கள், அந்த சிங்கக்குட்டியை மீட்டு, அதை விலங்குகளை பாதுகாக்கும் குழுவினரிடம் ஒப்படைத்தனர்.
இதுகுறித்து தீயணைப்பு படை ஊழியர்கள் அந்த சிங்கக்குட்டியை மீட்ட புகைப்படங்களை சமூக வலைத்தளத்தில் வெளியிட்டனர். “காட்டு விலங்குகள் வீட்டிலிருக்கும் பொம்மையோ அல்லது வீட்டில் வளர்க்க கூடிய விலங்குகளோ இல்லை என்று மக்கள் அறிந்துக்கொள்வது மிகவும் அவசியமானது” என்று அந்த புகைப்படங்களுடன் செய்தி அனுப்பினர்.
கோவை அருகே உள்ள கோவைபுதுரில் புதிய திருப்பதி கோயில் கட்ட திருமலை திருப்பதி தேவஸ்தானம் ஜி ஸ்கொயர் குழுமத்திற்கு ஒப்புதல்
பிளஸ் டூ தேர்வில் வெற்றி பெற்ற மாணவர்களுக்கு கவுண்டம்பாளையம் MLA கனிமொழி சந்தோஷ் வாழ்த்து
12 வகுப்பு பொதுத்தேர்வு முடிவு – கோவை மாவட்டம் 96.66 சதவீத தேர்ச்சி !
பருத்தி இறக்குமதி வரியை முழுமையாக நீக்க வேண்டும் கோவை ஜவுளித்துறையினர் மத்திய அரசுக்கு கோரிக்கை
கோவையில் கோடை கால ‘கோ கிளாம்’ மெகா ஷாப்பிங் கண்காட்சி துவக்கம்
கோவையில் சூயஸ் நிறுவனம் சார்பில் இலவச மருத்துவ பரிசோதனை முகாம்
For English News
