January 9, 2018 
தண்டோரா குழு
ஓல்டு மங் ரம் தயாரிப்பு நிறுவனத்தின் உரிமையாளர் கபில் மோகன் கடந்த சனிக்கிழமை(ஜன 6), மாரடைப்பு காரணமாக காலமானார்.
ரம் வகை மதுபானத்தில் ஓல்ட் மங் முதன்மை இடத்தில் இருந்து வருகிறது. இந்த ஓல்ட் மங் ரம் மதுபானம், மோகன் மியாகின் லிமிடெட் நிறுவனத்தின் தயாரிப்பாகும்.இந்நிறுவனத்தின் உரிமையாளர் கபில் மோகன்.
இவர் கடந்த சில ஆண்டுகளாக உடல்நலக் குறைவால் பாதிக்கப்பட்டிருந்தார்.இந்நிலையில் உத்தரப்பிரதேசத்தின் காசியாபாத் மோகன் நகரில் மாரடைப்பால் கபில் மோகன் சனிக்கிழமையன்று காலமானார்.
கபில் மோகன் இந்திய ராணுவத்தில் பணியாற்றி ஓய்வுபெற்றவர்.மறைந்த கபில் மோகனுக்கு மது மற்றும் புகை உள்ளிட்ட எந்த போதைப்பழக்கமும் இல்லாதவர் என்பது குறிப்பிடத்தக்கது.
For English News
