October 26, 2017 
தண்டோரா குழு
பிரபல வார இதழில் தொடர் எழுதி வரும் நடிகர் கமல்ஹாசன், நவம்பர் 7-ந்தேதி முக்கிய அறிவிப்பு வெளியிடப்போவதாக தெரிவித்துள்ளார்.
நடிகர் கமல்ஹாசன் கடந்த சில மாதங்களாக தனது அரசியல் பிரவேசம் பற்றி பல விஷயங்களைதெரிவித்து வருகிறார். இதற்கிடையில் அவர் தனியார் வாரஇதழில் என்னுள் மையம் கொண்ட புயல்! என்னும் தலைப்பில் கட்டுரை எழுதி வருகிறார்.
இந்த வாரம் கமல்ஹாசன் எழுதியுள்ள கட்டுரையில், நவம்பர் 7ம் தேதி ஒரு முக்கிய அறிவிப்பினை வெளியிட போகிறேன். “நம் இயக்கத்தார் என்னுடனும், மக்களுடனும் தொடர்பு கொள்ள வசதியாக ஏற்பாடுகள் நடக்கின்றன. தமிழகத்திற்கு கடமையாற்ற நினைப்பவர்களை இருகரம் கூப்பி வரவேற்கிறேன்.
தியாகமாக நினைத்து முன்வருபவர்கள் ஒதுங்கிக் கொள்ளுங்கள். அவர்கள் என்னை கடன்பட செய்வார்கள்” என்று கூறியுள்ளார்.மேலும், “இளைஞர்களை ஒருங்கிணைக்க வேண்டிய கடமையும் தேவையும் எனக்கு வந்து விட்டது. நமது இயக்கத்துடன் இணைந்து பணியாற்ற தயாராக உள்ளோருடன் சேர்ந்து தமிழகத்துக்கு பலம் சேர்ப்போம் எனக் கூறியுள்ளார்.
For English News
