January 5, 2018 
தண்டோரா குழு
மகாராஷ்டிராவின் முன்னாள் சட்டமன்ற பேரவை தலைவர், வசந்த் தாவ்கரே(68) உடல்நலக்குறைவால் நேற்று(ஜன 4)காலமானார்.
மகாராஷ்டிரா மாநிலத்தின் தேசிய காங்கிரஸ் கட்சியின் முதுபெரும் தலைவர் மற்றும் முன்னாள் சட்டபேரவை தலைவராக விளங்கியவர் வசந்த் தாவ்கரே.அவர் கடந்த சில நாட்களாக
உடல்நலக்குறைவால் அவதிப்பட்டு வந்தார். இதையடுத்து, மும்பை மருத்துவமனையில் அவர் அனுமதிக்கப்பட்டிருந்தார்.ஆனால், சிகிச்சை பலனின்றி, நேற்று(ஜன 4),காலமானார்.
கடந்த 1986ம் ஆண்டு, மும்பை நகரில் உள்ள தானே நகராட்சி தலைவராக தேர்ந்தெடுக்கப்பட்டார். பின்னர் கடந்த 1987ம் ஆண்டு, தானே நகராட்சியின் மேயராக தேர்ந்தெடுக்கப்பட்டார். மகாராஷ்டிரா சட்டமன்ற கவுன்சிலின் ஐந்து ஆண்டு கால உறுப்பினராகவும், பல ஆண்டுகளாக அதன் துணை தலைவராகவும் பணியாற்றினார்.
வசந்த் தாவ்கரேவின் இறுதி சடங்குகள் தானே நகரில் இன்று நடைபெறுகிறது.அவருடைய உடல் பொதுமக்கள் அஞ்சலிக்காக காலை 11 மணி முதல் மதியம் 1 மணி வரை வைக்கப்பட்டு,பிறகு சுமார் 3 மணி அளவில், அவருடைய உடல் தகனம் செய்யப்படும் என்று தேசிய காங்கிரஸ் கட்சியின் செய்தி தொடர்பாளர் தெரிவித்துள்ளார்.
For English News
