May 23, 2016 
தண்டோரா kulu
தமிழக முதல்வராக ஜெயலலிதா மீண்டும் இன்று பதவியேற்றதை தொடர்ந்து, இன்று முழுவதும் தனது ஆட்டோவில் பயணம் செய்தவர்களிடம் ரூ.1 மட்டுமே வசூல் செய்துள்ளார் அ.தி.மு.க விசுவாசி.
கோவை மாவட்டம் சிங்காநல்லூர் பகுதியைச் சேர்ந்தவர் ஆட்டோ ஓட்டுநர் ஆர்.எம்.மதிவாணன், பல வருடங்களாக அதிமுகவின் தீவிர விசுவாசியாக இருந்து வருகிறார்.
இந்த நிலையில் சட்டசபைத் தேர்தலில் வெற்றி பெற்று அ.தி.மு.க மீண்டும் ஆட்சியை பிடித்ததைத் தொடர்ந்து இன்று அதிமுக பொதுச்செயலாளர் ஜெயலலிதா முதலமைச்சராகப் பதவி ஏற்றுக்கொண்டார். மேலும், இவருடன் சேர்ந்து 28 அமைச்சர்களும் இன்று பதவி ஏற்றனர்.
அ.தி.மு.கவின் இந்த வெற்றியைப் பலரும் பல்வேறு வகையாகக் கொண்டாடி வரும் பொது மதிவாணன் சற்று வித்தியாசமாகக் கொண்டாட நினைத்தார்.
இதையடுத்து இன்று ஒருநாள் தனது ஆட்டோவில் பயணித்தவர்களிடம் எங்கு ஏறி எங்கு இறங்கினாலும் 1 ரூபாய் மட்டுமே கட்டணமாக வசூல் செய்யப்படும் என அறிவித்தார்.
அறிவித்தது மட்டுமின்றி அவர் அப்படியே அனைவரிடமும் வசூலித்தும் வந்தார்.
இது குறித்து ஆட்டோ ஓட்டுனர் மதிவாணன் கூறுகையில், நான் கடந்த 40 ஆண்டுகளாக அ.தி.மு.கவின் விசுவாசியாக இருந்து தொண்டனாக பாடுபட்டு வருகிறேன்.
இன்று 6 வது முறையாக ஜெயலலிதா அவர்கள் முதல்வராகப் பதவியேற்பதை கொண்டாடும் வகையில் காலை 6 மணி முதல் மாலை 6 மணி வரை கோவையில் பயணிகள் எங்கு ஏறி, இறங்கினாலும் வெறும் 1 ரூபாய் மட்டும் செலுத்தி பயணம் செய்யலாம் என அறிவித்திருந்தேன்.
இதனைத் தொடர்ந்து காலை முதல் பயணம் செய்த அனைத்துப் பயணிகளிடமும் ஒரு ரூபாய் மட்டுமே கட்டணமாக வசூலித்தேன்.
இதனால் எனக்கு பொருளிழப்பு ஏற்படுவதாக அனைவரும் என்னைக் கிண்டலடித்துள்ளனர் ஆனால் இதை நான் எனது இதய தெய்வத்திற்கு செலுத்தும் காணிக்கையாக நினைக்கின்றேன் என உணர்ச்சிவசப்பட்டார்.
மேலும் கூறும்போது, ஜெயலலிதா அவர்கள் ஆட்சி அமைத்தவுடன் மக்களுக்கு நன்மை நடக்க வேண்டும் என நினைத்தே இந்த முடிவை எடுத்தேன் எனவும் தெரிவித்தார்.
குறிப்பாக அவர் இவ்வாறு செய்வதை செய்தியாக வரவேண்டாம் என நினைத்ததாகவும், பின்னர் நண்பர்கள் வற்புறுத்தலின் பிறகே இதைத் தெரிவிப்பதாகவும் கூறியுள்ளார்.
ஆனால் ஒன்று மட்டும் உண்மை. இது போன்ற தொண்டர்கள் இருப்பதாலேயே பல கட்சிகள் உண்ணும் இருக்கின்றன என்பது மட்டும் உண்மை.
“STOP DRUG ABUSE”– கண்ணை கவர்ந்த மாணவிகளின் உலகச் சாதனை முயற்சி!
கோவையில் மூளைச்சாவடைந்த 8 வயது பெண் குழந்தை 10 பேருக்கு மறுவாழ்வு அளித்தார்!
நாச்சியார் நெக்ஸ்ட்’ நாட்டிய நாடகம் கோவையில் அரங்கேற்றம்: பாரம்பரியமும் புதுமையும் கலந்த நடன விருந்து
எஸ்எஸ்விஎம்-இன் இந்தியாவை மாற்றும் மாநாடு 2025 ஆனது செயற்கை நுண்ணறிவு மற்றும் மனிதநேயம் குறித்து சக்திவாய்ந்த நுண்ணறிவுகளுடன் தொடங்கியது
கோவையில் நடைபெற்ற 4வது தேசிய பாரா த்ரோபால் சாம்பியன்ஷிப் போட்டி ஆந்திர அணி வெற்றி
மனித மூளைக்கும் கணினி மூளைக்கும் இடையேதான் வருங்காலத்தில் போட்டி இருக்கும் – நீயா நானா கோபிநாத் பேச்சு
For English News
