November 24, 2017 
தண்டோரா குழு
திண்டுக்கல்லில் வெவ்வேறு இடங்களில் 3 துப்புரவு பணியாளர்கள் வெட்டிக்கொலை செய்யப்பட்டுள்ள சம்பவம் பெரும் பரபரப்பை ஏற்படுத்தியுள்ளது.
திண்டுக்கல் சோலைஹால் நெட்டு தெருவில் வசித்து வருபவர்கள் பாலமுருகன், சரவணன், வீரன் என்ற வீரையா. இவர்கள் 3 பேரும் தனியார் நிறுவனத்தில் துப்புரவுப் பணியாளர்களாக வேலை செய்து வருகின்றனர். இதில் சரவணன் (40) மற்றும் வீரன் என்ற மதுரைவீரன் (42) அண்ணன் தம்பி ஆவார்கள். இவர்கள் இன்று (நவ 24) காலை வழக்கம் போல் துப்புரவுப் பணிக்கு சென்றுள்ளனர்.
இந்நிலையில் பாலமுருகன் (38) திண்டுக்கல் சிலுவத்தூர் சாலையில் உள்ள டீச்சர்ஸ் காலணியில் வேலை பார்த்து கொண்டிருந்தார். அப்போது அங்கு இரண்டு இருசக்கர வாகனத்தில் அடையாளம் தெரியாத 5 பேர் கொண்ட மர்ம கும்பல் கத்தி அறிவாள் போன் பயங்கர ஆயுதங்களால் பாலமுருகனை சரமாரியாக வெட்டினர். இதில் சம்பவ இடத்திலேயே பாலமுருகன் உயிரிழந்தார்.
இதனையடுத்து பேருந்து நிலையிலம் அருகே உள்ள சௌராஸ்டிரா புரத்தில் துப்புரவு பணியிலிருந்த சரணனை அதே கும்பல் வெட்டி சாய்த்தது. இதனையடுத்து நாகல் நகர் ரயில் நிலையம் அருகே உள்ள பாவா லாட்ஜ் அருகே துப்புரவு பணியிலிருந்த வீரன் என்ற மதுரைவீரனை அதே கும்பல் வெட்டி சாய்த்தது.
திண்டுக்கல்லில் இதுவரை இல்லாத அடுத்தடுத்து 3 வெவ்வேறு இடங்களில் படுகொலை செய்யப்பட்ட சம்பவம் மக்களிடையே பெரும் பரபரப்பை ஏற்படுத்தியுள்ளது. சினிமா பாணியில் இச்சம்பவம் நடைபெற்றிருப்பது மக்கள் மத்தியில் பெரும் அச்சத்தை ஏற்படுத்தியது. சம்பவ இடத்திற்கு வந்த காவல்துறையினர் இறந்த 3 துப்பரவு பணியாளர்கள் உடலை கைப்பற்றி உடற்கூரு ஆய்விற்காக திண்டுக்கல் அரசு மருத்துவமனைக்கு அனுப்பி வைக்கப்பட்டது.
மேலும் சம்பவ இடத்தை மாவட்ட காவல் கண்காணிப்பாளர் சக்திவேல் பார்வையிட்டார். போலீசாரின் முதல்கட்ட விசாரணையில் முன்பகை காரணமாக 3 கொலை நடைபெற்றிருப்பதாக தெரிவித்தனர்.
சின்னகுட்டை தேக்கத்தை புரணமைக்க கோவை குளங்கள் பாதுகாப்பு அமைப்பு அமைப்புடன் கூட்டு சேர்ந்த ப்ரூக்ஃபீல்டு !
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
For English News
