December 22, 2017 
தண்டோரா குழு
ரத்தினபுரி ரயில்வே தண்டவாளம் அருகேயுள்ள வீடுகளை இடிக்க இன்று(டிச 22) ரயில்வே நிர்வாகம் முயற்சித்ததால் அப்பகுதி மக்கள் ரயில் மறியலில் ஈடுப்பட்டனர்.
கோவை மாநகராட்சிக்கு உட்பட்ட ரத்தினபுரி ரயில்வே பாதை அருகேயுள்ள சின்ராஜ் நகரில் நூற்றுக்கும் மேற்பட்ட மக்கள் 40 ஆண்டுகளாக வசித்து வருகின்றனர்.இந்நிலையில் ரயில்வே நிர்வாகம் மத்திய அரசின் ஆணைபெற்று குடியிருப்புகளை இடிக்க மத்திய பாதுகாப்பு படை மற்றும் அப்பகுதி காவலர்களின் பாதுகாப்போடு அதிகாரிகள் வந்துள்ளனர்.
இதனையடுத்து அப்பகுதி மக்கள் கடந்த 40 ஆண்டுகளாக இந்தப்பகுதியில் வசித்து வருவதாகவும்,1992 ஆம் ஆண்டு முதல் சொத்து வரி, மின்சார கட்டணம், முறையாக செலுத்தி வருவதாகவும்,ஆதார்,வாக்காளர்,ரேசன் கார்டு, உள்ளிட்ட அடையாள அட்டைகள் இருப்பதாகவும் மாற்று இடம் வழங்காமல் உடனடியாக காலி செய்யச்சொல்வது கண்டிக்கத்தக்கது என்று ரயில் மறியலில் ஈடுப்பட்டனர்.
இதுசம்பந்தமாக அதிகாரிகள் மாவட்ட ஆட்சித்தலைவரிடம் இருந்து வீடுகளை இடிக்க தடைக்கோரி கடிதம் வாங்கி வந்தால் இடிக்க மாட்டோம் என அதிகாரிகள் தெரிவித்துள்ளனர்.
இதனையடுத்து அத்தொகுதி எம்.எல்.ஏ பி ஆர் ஜி அருண்குமார் மாவட்ட ஆட்சித்தலைவரிடம் பேசி கடிதம் கொடுக்கச்சொல்லியுள்ளதாக அப்பகுதி மக்கள் தெரிவித்தனர். ரயில்பாதையில் இருந்து 40 அடி இடைவெளியுள்ள நிலங்களை மட்டும் எடுக்க விதியிருந்தும், 90 அடி அகலமுள்ள இடத்தை எடுப்பது ஏழை மக்களை பழி வாங்கும் செயல் என்றனர்.
கோவை அவினாசிலிங்கம் பல்கலைக்கழகத்தில் புதிதாக நியமிக்கப்பட்ட துணைவேந்தர்களின் வட்டமேசை மாநாடு!
சஹோதயா இன்டர் ஸ்கூல் கால்பந்து போட்டியில் கேம்போர்டு பள்ளி சாதனை
கோவையில் 3 நாட்கள் நடைபெறும் இந்தியாவின் மிகப்பெரிய குளோபல் சோலார் கண்காட்சி துவக்கம்
சிஐஐ சார்பில் கோவையில் நடைபெற்ற இந்திய தொழில் கூட்டமைப்பு சார்பில் 9வது தேசிய உயர்கல்வி மாநாடு
‘ஸ்கூட்ஸ் ‘எவரிவேர் சேல்’ அறிவிப்பு! – விமானம் பயணம் எங்கும் விற்பனை – இங்கும் அங்கும் செல்ல சலுகை கட்டணம் ரூபாய்.5,900-லிருந்து துவக்கம்
கே.எம்.சி.ஹெச் மருத்துவ கல்லூரி சார்பில் தடாகத்தில் ஊரக மருத்துவ மையம் திறப்பு
For English News
