December 9, 2017 
தண்டோரா குழு
கோவை புரூக்பாண்ட் சாலை மீண்டும் இரு வழி சாலையாக திறந்து விடப்பட்டது.இதனை புதிய மாநகர காவல் ஆணையர் பெரியய்யா இன்று(டிச 9)துவங்கி வைத்தார்.
கோவை அவினாசி சாலை மேம்பாலத்தில் இருந்து வடகோவை மற்றும் மேட்டுப்பாளையம் சாலைக்கு செல்லும் பிரதான சாலையாக இருந்த புரூக்பாண்ட் சாலை கடந்த சில மாதங்களுக்கு முன்பு ஒரு வழிப்பதையாக மாற்றப்பட்டது.
இதனால், அந்த சாலையில் போக்குவரத்து நெரிசல் குறைந்தது.எனினும், அவினாசி சாலையில் இருந்து மேட்டுப்பாளையம் சாலைக்குச் செல்லும் வாகனங்கள் பெரும்பாலும் பூமார்க்கெட் வழியாக சென்று மேட்டுப்பாளையம் சாலையை அடைய வேண்டி இருந்ததால்
பூமார்க்கெட் பகுதியில் கடும் வாகன நெரிசல் ஏற்பட்டது.இதனால் பொதுமக்கள் பெரிதும் அவதிப்பட்டனர்.
இந்நிலையில், சமீபத்தில் கோவை மாநகர காவல் ஆணையராக பொறுப்பேற்ற பெரியய்யா, மாநகர் பகுதிகளில் ஆய்வு மேற்கொண்ட போது, புரூக்பாண்ட் சாலை இரு வழிப்பாதையாக மாற்ற பரிந்துரை செய்யப்பட்டது. இதையடுத்து ஆணையரின் உத்தரவின் பேரில் கடந்த இரு தினங்களாக புரூக்பாண்ட் சாலையை புனரமைக்கும் பணி மேற்கொள்ளப்பட்டது.
இதனை தொடர்ந்து, இன்று காலை 8 மணிக்கு புரூக்பாண்ட் சாலைக்கு வந்த மாநகர காவல்துறை ஆணையர் அந்த சாலையை இருவழிப்பாதையாக மாற்றி திறந்து வைத்தார்.
ஒரு வழி சாலையாக இருந்த போது பொதுமக்கள் கடுமையாக பாதித்து வந்த நிலையில் தற்போது மீண்டும் இரு வழி சாலையாக திறந்து விடப்பட்டுள்ள்ளதால் போக்குவரத்து நெரிசல் குறையும் என்று எதிர்பார்க்கப்படுகிறது.
கோவை அவினாசிலிங்கம் பல்கலைக்கழகத்தில் புதிதாக நியமிக்கப்பட்ட துணைவேந்தர்களின் வட்டமேசை மாநாடு!
சஹோதயா இன்டர் ஸ்கூல் கால்பந்து போட்டியில் கேம்போர்டு பள்ளி சாதனை
கோவையில் 3 நாட்கள் நடைபெறும் இந்தியாவின் மிகப்பெரிய குளோபல் சோலார் கண்காட்சி துவக்கம்
சிஐஐ சார்பில் கோவையில் நடைபெற்ற இந்திய தொழில் கூட்டமைப்பு சார்பில் 9வது தேசிய உயர்கல்வி மாநாடு
‘ஸ்கூட்ஸ் ‘எவரிவேர் சேல்’ அறிவிப்பு! – விமானம் பயணம் எங்கும் விற்பனை – இங்கும் அங்கும் செல்ல சலுகை கட்டணம் ரூபாய்.5,900-லிருந்து துவக்கம்
கே.எம்.சி.ஹெச் மருத்துவ கல்லூரி சார்பில் தடாகத்தில் ஊரக மருத்துவ மையம் திறப்பு
For English News
