December 11, 2017 
கோவையில் விடுதலை சிறுத்தைகள் கட்சி தலைவர் திருமாவளவனை கண்டித்து பா.ஜ.கவினர் போராட்டத்தில் ஈடுபட்டனர்.
கோவை மாவட்ட ஆட்சியர் அலுவலகம் முன்பாக,இந்து கோவில்களை இடித்து தரை மட்டமாக்க வேண்டும் என கூறிய விடுதலை சிறுத்தைகள் கட்சி தலைவர் திருமாவளவனை கண்டித்து,பாஜக வினர் திருமாவளவன் உருவ பொம்மைக்கு செருப்பு மாலை அணிவித்து இன்று(டிச 11) போராட்டத்தில் ஈடுபட்டனர்.
திருமாவளவன் உருவபொம்மை எரித்து போராட்டத்தில் ஈடுபட பா.ஜ.க.வினர் கோஷங்கள் எழுப்பியபடி ஆட்சியர் அலுவலகம் முன்பாக திரண்டனர்.இதனைத்தொடர்ந்து உருவபொம்மைக்கு செருப்பு மாலை அணிவித்து கோஷங்களை எழுப்பி கண்டனத்தை பதிவு செய்தனர்.
மேலும், காவல்துறை திருமாவளவன் மீது நடவடிக்கை எடுக்க வேண்டும் எனவும்,அடுத்த முறை கோவைக்கு திருமாவளவன் வந்தால் அவருக்கு பாஜக சார்பில் செருப்பு மாலை அணிவிக்கப்படும் எனவும் போராட்டத்தில் ஈடுபட்டவர்கள் தெரிவித்தனர்.
For English News
