ராகுல்காந்தியின் போராட்டத்திற்கு தோள் நிற்போம் – முதலமைச்சர் மு.க.ஸ்டாலின்
“ஜெயலலிதா அவர்களே என் ரோல் மாடல்” -பிரேமலதா விஜயகாந்த் பேட்டி
ராகுல் காந்தி கைது – தவெக தலைவர் விஜய் கண்டனம்
செத்து சாம்பல் ஆனாலும் தனித்துதான் போட்டி – சீமான்
பாகிஸ்தானின் அணு ஆயுத மிரட்டலுக்கு அஞ்சமாட்டோம் – இந்தியா
மத்திய ஆசிரியர் தகுதித் தேர்வு: பட்டதாரிகள் அக்.16 வரை விண்ணப்பிக்கலாம்

தஞ்சாவூர், அரவக்குறிச்சி, திருப்பரங்குன்றம் தொகுதிகளில் தேர்தல் பிரசாரம் ஓய்ந்தது

November 17, 2016

தண்டோரா குழு

தஞ்சாவூர், அரவக்குறிச்சி, திருப்பரங்குன்றம் தொகுதிகளில் வியாழக்கிழமை மாலை 5 மணியுடன் பிரசாரம் ஓய்ந்தது. 19ம் தேதி காலை 7 மணிக்கு வாக்குப்பதிவு தொடங்குகிறது.

தமிழகத்தில், தஞ்சாவூர், அரவக்குறிச்சி, திருப்பரங்குன்றம் ஆகிய 3 சட்டப் பேரவைத் தொகுதிகளுக்கு வருகிற 19ம் தேதி தேர்தல் நடைபெறுகிறது. இதில் தஞ்சை, அரவக்குறிச்சி இரண்டும், பணப்பட்டுவாடாவால் நிறுத்தப்பட்ட தொகுதிகளாகும். திருப்பரங்குன்றத்தில் அதிமுக உறுப்பினர் மரணமடைந்ததால் இடைத்தேர்தல் நடைபெறுகிறது.

இந்த 3 தொகுதிகளிலும் அ.தி.மு.க. – தி.மு.க. நேரடியாக களம் காண்கின்றன. மேலும், பா.ஜ.க., தே.மு.தி.க., பா.ம.க. உள்பட சுயேச்சை வேட்பாளர்களும் களத்தில் உள்ளனர்.

ஆனால், திருப்பரங்குன்றம் தொகுதியில் போட்டியிடும் பா.ம.க. வேட்பாளருக்கு மாம்பழச் சின்னம் ஒதுக்கப்படாததால், அங்கு மட்டும் அந்த கட்சி போட்டியிடவில்லை.

கடந்த 5ம் தேதி வேட்பாளர் இறுதிப்பட்டியல் வெளியானதைத் தொடர்ந்து, 3 தொகுதிகளிலும் பிரசாரம் சூடு பறந்தது. 3 தொகுதிகளிலும் அனல் பறந்து வரும் தேர்தல் பிரசாரம் வியாழக்கிழமை மாலை 5 மணியுடன் ஓய்ந்தது.

தஞ்சையில் திமுக சார்பில் போட்டியிடும் அஞ்சுகம் பூபதியை ஆதரித்து ஸ்டாலின் இறுதிகட்ட பிரசாரத்தில் ஈடுபட்டிருந்தார்.
இதே போல், புதுச்சேரி மாநிலம் நெல்லித்தோப்பு தொகுதியிலும் 19ம் தேதி இடைத்தேர்தல் நடைபெறுகிறது.

காங்கிரஸ் சார்பில் முதல்வர் நாராயணசாமி, அ.தி.மு.க. சார்பில் ஓம்சக்தி சேகர் உள்பட 8 பேர் போட்டியிடுகின்றனர். இங்கும் வியாழக்கிழமை மாலை 5 மணியுடன் பிரசாரம் ஓய்ந்தது.

பிரசாரம் ஓய்ந்ததையடுத்து, வெளியூரைச் சேர்ந்தவர்கள் வெளியேறும்படி தேர்தல் ஆணையம் உத்தரவிட்டுள்ளது. நெல்லித்தோப்பு தொகுதியில் இடைத்தேர்தலையொட்டி புதுச்சேரியில் அனைத்து மதுக்கடைகளும் மூடப்பட்டுள்ளன.

தஞ்சாவூர், அரவக்குறிச்சி, திருப்பரங்குன்றம், நெல்லித்தோப்பு ஆகிய 4 தொகுதிகளிலும் சனிக்கிழமை (19ம் தேதி) காலை 7 மணி முதல் மாலை 5 மணி வரை வாக்குப்பதிவு நடைபெறுகிறது.

தஞ்சாவூர், அரவக்குறிச்சி, திருப்பரங்குன்றம் தொகுதிகளில் தேர்தல் பிரசாரம் ஓய்ந்தது

மேலும் படிக்க

டிரெய்லர்கள் & டீஸர்கள்

வைரல் வீடியோக்கள்

கோயில்கள்

ஜோதிடம்