December 7, 2017 
தண்டோரா குழு
ராஜஸ்தானில் லவ் ஜிகாத்தில் ஈடுபட்டதாகக் கூறி இளைஞர் ஒருவர் உயிருடன் எரித்துக் கொலை செய்யப்பட்ட வழக்கில் ஒருவர் கைது செய்யப்பட்டுள்ளார்.
ராஜஸ்தான் மாநிலம் ராஜ்சமண்ட் (Rajsamand) மாவட்டத்தில் ஷம்பு (Shambu ) என்பவன், முகமது (Mohammad ) என்பவரை இந்து மதத்தைச் சேர்ந்த பெண்ணைக் காதலிக்கச் செய்து லவ் ஜிஹாத்தில் ஈடுபட்டதாக கூறி கோடாரியால் சரமாரியாக வெட்டும் காட்சி வீடியோ ஒன்றில் பதிவாகியுள்ளது.அத்துடன் வெட்டப்பட்டதால் உயிருக்கு போராடிக் கொண்டிருக்கும் முகமதை ஷம்பு பெட்ரோல் ஊற்றி தீ வைக்கும் காட்சியும் வெளியாகியுள்ளது.தீ வைத்து முடித்த பிறகு லவ் ஜிகாத்திற்கு முடிவு கட்டவே தான் கொலை செய்ததாக ஷம்பு பேசும் காட்சியும் வீடியோவில் பதிவாகியுள்ளது.
இந்நிலையில், உதய்பூரில் செய்தியாளர்களிடம் பேசிய காவல்துறை ஐ.ஜி. ஆனந்த் ஸ்ரீவத்சவ், உயிருடன் எரித்துக் கொல்லப்பட்ட சம்பவம் ராஜ்சாமாந்த் மாவட்டத்தில் நேற்று நடைப்பெற்றதாகவும், அது வீடியோவாக எடுக்கப்பட்டு, வைரலாகப் பரவியதாகவும் ஆனந்த் ஸ்ரீவத்சவ் தெரிவித்துள்ளார்.
மேலும், வீடியோவை அடிப்படையாகக் கொண்டு நடத்தப்பட்ட விசாரணையில், குற்றவாளி கைது செய்யப்பட்டுள்ளதாகவும் அவர் மீது சட்டப்படி கடும் நடவடிக்கை எடுக்கப்படும் எனவும் அவர் கூறினார்.
இதனிடையே, ராஜஸ்தானில் லவ் ஜிகாத்தில் ஈடுபட்டதாக இளைஞர் ஒருவர் எரித்துக் கொலை செய்யப்பட்டதற்கு மார்க்ஸிஸ்ட் கம்யூனிஸ்ட் கட்சியின் மாநிலங்களவை உறுப்பினர் பிருந்தா கரத் மற்றும் மேற்கு வங்க முதல்வர் மம்தா பானர்ஜி ஆகியோர் கண்டனம் தெரிவித்துள்ளனர்.
கோவை அவினாசிலிங்கம் பல்கலைக்கழகத்தில் புதிதாக நியமிக்கப்பட்ட துணைவேந்தர்களின் வட்டமேசை மாநாடு!
சஹோதயா இன்டர் ஸ்கூல் கால்பந்து போட்டியில் கேம்போர்டு பள்ளி சாதனை
கோவையில் 3 நாட்கள் நடைபெறும் இந்தியாவின் மிகப்பெரிய குளோபல் சோலார் கண்காட்சி துவக்கம்
சிஐஐ சார்பில் கோவையில் நடைபெற்ற இந்திய தொழில் கூட்டமைப்பு சார்பில் 9வது தேசிய உயர்கல்வி மாநாடு
‘ஸ்கூட்ஸ் ‘எவரிவேர் சேல்’ அறிவிப்பு! – விமானம் பயணம் எங்கும் விற்பனை – இங்கும் அங்கும் செல்ல சலுகை கட்டணம் ரூபாய்.5,900-லிருந்து துவக்கம்
கே.எம்.சி.ஹெச் மருத்துவ கல்லூரி சார்பில் தடாகத்தில் ஊரக மருத்துவ மையம் திறப்பு
For English News
