September 7, 2016 
தண்டோரா குழு
தமிழக அரசால் ஏழை மாணவ,மாணவியருக்கு வழங்கபட்ட விலையில்லா பள்ளி பைகள் ஆப்பிரிக்கா சந்தையில் விற்பனையாகும் படங்கள் சமூக வலைதளத்தில் வேகமாக பரவி வருகிறது.
தமிழக அரசால் வழங்கபடும் விலையில்லா பொருட்கள் அவ்வப்போது வெளிமாநிலங்கள், வெளிநாடுகளில் விற்பனையாகி வருவது வாடிக்கையாகிவிட்டது.
இதை உறுதிப்படுத்தும் வகையில் சமூக வலைத்தளங்களில் ஒரு சில புகைப்படங்கள் வேகமாக பரவி வருகிறது. அதில், அம்மா இலவச பள்ளி பைகளை ஆப்பிரிக்கர்கள் சுமந்து செல்லும் படங்கள் தான்.
ஏற்கனவே தமிழக அரசின் சார்பில் வழங்கப்பட்ட விலையில்லா பொருட்கள் அண்டை மாநிலங்களில் விற்கப்படுவதை ஊடகங்கள் அம்பலப்படுத்தியிருந்தன.
இந்நிலையில் தற்போது அம்மா பள்ளி பைகள் ஆப்பிரிக்க சந்தையில் அமோகமாக விற்பனையாகி வருகிறது. இந்த இலவச பொருட்கள் ஆப்பிரிக்காவுக்கு போனது எப்படி என்பது தான் புரியாத புதிராக உள்ளது.
For English News
