September 1, 2016 
தண்டோரா குழு
ஐஎஸ்ஐஎஸ் தீவிரவாத அமைப்பின் செய்தித்தொடர்பாளரும், அதன் சதி திட்டங்கள் பலவற்றுக்கு மூளையாகச் செயல்பட்டவருமான அபு முகமத் அல் அதானி சிரியாவில் கொல்லப்பட்டார். இந்தத் தகவலை ஐஎஸ் அமைப்பே வெளியிட்டுள்ளது.
இது தொடர்பாக ஐஎஸ்ஐஎஸ் அமைப்புக்கு ஆதரவாகச் செயல்பட்டு வரும் ஆமஃக் செய்தி நிறுவனம் நேற்று வெளியிட்ட தகவலில்,அலெப்போவில் ராணுவ படைகள் நடத்திய தாக்குதலில் ஐஎஸ்ஐஎஸ் அமைப்பின் அல் அதானி கொல்லப்பட்டார்.அவரின் மரணத்திற்குப் பதில் தாக்குதலை நாங்கள் நடத்தியே தீருவோம் என்று சபதம் ஏற்கிறோம் என்று கூறப்பட்டுள்ளது.
அல் அதானி கொல்லப்பட்ட விதம் குறித்து எந்தத் தகவலையும் ஐஎஸ் அமைப்பு வெளியிடவில்லை.அல் அதானியின் மரணம் ஐஎஸ் அமைப்புக்கு பெரும் பின்னடைவாகப் பார்க்கப்படுகிறது.
அல் அதானியின் இயற்பெயர் தஹா சோபி ஃபலஹா.சிரியாவில் பிறந்த அல் அதானி தன்னுடைய 30வது வயதில் அல் கொய்தா தீவிரவாத அமைப்பில் இணைந்தார்.அதன் பின் ஐஎஸ் அமைப்பில் இணைந்து ஐஎஸ் அமைப்பின் முக்கிய தாக்குதல் பலவற்றுக்கு மூளையாக இருந்து செயல்பட்டிருக்கிறார்.
மேலும்,கடந்த நவம்பர் மாதம் பிரான்ஸ் தலைநகரில் ஐஎஸ் அமைப்பு நிகழ்த்திய தீவிரவாத தாக்குதலில் சுமார் 130 பேர் கொல்லப்பட்டனர் ஆயிரக்கணக்கானோர் காயமடைந்தனர்.இந்தத் தாக்குதல் பின்னணியில் இருந்து திட்டங்களை வகுத்தவரும் அல் அதானியே.
மேலும்,இணை தளங்களில் ஐஎஸ் அமைப்பின் ஒலி அமைப்பும் ஐஎஸ் சம்பந்தப்பட்ட முக்கிய தகவல்களையும் வெளியிட்டு ஐஎஸ் அமைப்பின் மிகப் பெரிய சக்தியாகச் செயல்பட்டு வந்தவர் இவர்.
அமெரிக்க அதிபர் ஒபாமாவை முட்டாள் என்று விமர்சித்ததுடன் அமெரிக்காவின் மாகாணங்களின் செயலாளர் ஜான் கெரியை வயதான சீசர் எனவும் விமர்சித்தார். அதுமட்டுமல்ல சிரியாவின் அரசுப் படைகளுக்கு தொடர்ந்து ஆதவரவாக இருந்து வரும் சவுதி அரேபியாவைப் பலமுறை இழிவுப்படுத்தி விமர்சித்து வந்தார் அல் ஆதானி.
அல் அதானியின் மரணம் குறித்து அமெரிக்காவின் செய்தி தொடர்பு செயலாளர் பீட்டர் குக் கூறும்போது,அல் அதானியை மையமாகக் கொண்டு அமெரிக்கப் படைகள் நடத்திய தாக்குதலில் அல் அதானி கொல்லப்பட்டிருப்பது உறுதிப்படுத்தப்பட்டுள்ளது. அல் அதானியின் மரணம் ஐஎஸ்ஐஎஸ் அமைப்புக்கு பெரும் பின்னடைவாகப் பார்க்கப்படுகிறது என்று கூறினார்.
மேலும்,ஐஎஸ்ஐஎஸ் அமைப்பின் கோட்டை என்று கருதப்படும் அலெப்போவில் ஐஎஸ்ஐஎஸ் அமைப்பு சமீப காலமாக வீழ்ச்சியை சந்திந்து வருகிறது.அமெரிக்க ஆதரவு பெற்ற சிரிய ஜனநாயகப் படைகள் அலெப்போவில் ஐஎஸ்ஐஎஸ் அமைப்பிடமிருந்து பெரும்பாலான பகுதியைக் கைப்பற்றியுள்ளன என்பது குறிப்பிடத்தக்கது.
நாடாளுமன்றத் தேர்தலில் அ.தி.மு.க.கூட்டணிக்கு ஆதரவு ஐக்கிய முஸ்லிம் முன்னேற்ற கழகம் அறிவிப்பு
பி.எஸ்.ஜி பாலிடெக்னிக் கல்லூரியில் மாணவர்களின் படைப்புகள் கண்காட்சி
வாக்களிக்கும் உரிமையையும், பொறுப்பையும் கையிலெடுங்கள்! – சத்குரு
குமரகுரு கல்லூரி மாணவர்களால் உருவாக்கப்பட்ட எரிசக்தி படகு, சர்வதேச போட்டியில் மூன்றாவது முறையாக பங்கேற்கிறது!
மாற்றுத்திறனாளி இளைஞர்களும் ஆன்லைன் உணவு டெலிவரி செய்யும் வகையில் புதிய எலக்ட்ரிக் சைக்கிள் !
கோயமுத்தூர் இன்னர் வீல் கிளப் சார்பாக அரசு தொடக்கப்பள்ளிக்கு புதிய வகுப்பறைகள் அர்ப்பணிப்பு
For English News
