November 28, 2016 
தண்டோரா குழு
புதிய ரூபாய் நோட்டுகளுக்கு ஏற்ப, நாடு முழுவதும் உள்ள அனைத்து ஏ.டி.எம். இயந்திரங்களையும் மாற்றி அமைக்கும் பணியில் 50 ஆயிரம் பணியாளர்கள் ஈடுபட்டுள்ளனர் என்று இந்திய ரிசர்வ் வங்கி ஆளுநர் உர்ஜித் படேல் தெரித்தார்.
மும்பையில் ஞாயிற்றுக்கிழமை பி.டி.ஐ. செய்தி நிறுவனத்துக்கு அவர் அளித்த பேட்டியில் கூறியிருப்பதாவது:
வங்கிகளின் ரொக்க இருப்பு விகிதத்தை 100 சதவீதமாக இந்திய ரிசர்வ் வங்கி அதிகரித்துள்ளது. ஏனெனில், பொதுமக்கள் பழைய ரூ.500, ரூ.1000 நோட்டுகளை வங்கிகளில் மாற்றிவிட்டதாலும், டெபாசிட் செய்து வருவதாலும் வங்கியில் இருப்புத் தொகை அதிகரித்துள்ளது.
பழைய ரூ.500, ரூ.1000 நோட்டுகளைத் திரும்பப் பெறும் அறிவிப்பு வெளியான பிறகு ஏற்பட்டுள்ள சூழ்நிலையை இந்திய ரிசர்வ் வங்கி நாள்தோறும் கவனித்து வருகிறது. பொதுமக்களுக்கு வழங்குவதற்குப் போதுமான அளவு பணம் வங்கிகளுக்கு வழங்கப்பட்டு வருகிறது.புதிய ரூபாய் நோட்டுகளுக்கு ஏற்ப அனைத்து ஏ.டி.எம். இயந்திரங்களையும் மாற்றி அமைக்கும் பணியில் நாடு முழுவதும் 50 ஆயிரம் பணியாளர்கள் ஈடுபட்டுள்ளனர்.
புழக்கத்தில் இருந்து திரும்பப் பெற்ற நோட்டுகளை ஈடு செய்யும் வகையில் புதிய நோட்டுகளை அளிக்கப் போதுமான கரன்சி தொடர்ந்து அச்சடிக்கப்பட்டு வருகிறது. மத்திய அரசும், ரிசர்வ் வங்கியும் இதில் முனைப்புடன் செயல்பட்டு வருகின்றன.
அதே நேரத்தில், பொதுமக்கள் டெபிட் கார்டு, டிஜிட்டல் வாலட் போன்ற ரொக்கமில்லாத பணப் பரிவர்த்தனையை அதிகம் பயன்படுத்த வேண்டும். இதன் மூலம் பணப் பரிவர்த்தனைகள் எளிதாகவும், குறைந்த செலவிலும் நிகழும். இதனால், இந்தியா பல்வேறு வளர்ந்த நாடுகளுக்கு இணையாக ரொக்கத்தை அதிகம் பயன்படுத்தாத பொருளாதார சக்தியாக உருவெடுக்கும்.
பொதுமக்கள் கார்டுகளைப் பயன்படுத்த வசதியாக “தேய்ப்பு இயந்திரங்களை” (ஸ்வைப்பிங் மெஷின்) வியாபாரிகளுக்கு அதிக அளவில் வழங்குமாறு வங்கிகளுக்கு அறிவுறுத்தியுள்ளோம்.
ரூபாய் நோட்டு தொடர்பான அறிவிப்புக்குப் பிறகு ஏற்பட்டுள்ள சூழ்நிலை குறித்து வங்கிகளுடன் தினமும் ஆலோசிக்கப்படுகிறது. முதலில் இருந்ததைவிட இப்போது வங்கி, ஏடிஎம் வாயில்களில் மக்கள் வரிசையில் காத்திருப்பது பெருமளவில் குறைந்துள்ளது.
பொதுச் சந்தைகள் எவ்வித பாதிப்புமின்றி செயல்பட்டு வருகின்றன. நுகர்பொருள்கள் விற்பனை குறைந்துள்ளதாகத் தகவல் இல்லை. பணத்தை வங்கிகளுக்கும், ஏ.டி.எம். மையங்களுக்கும் எடுத்துச் செல்லும் பணியும் முழுவீச்சில் நடக்கிறது.
வங்கி ஊழியர்கள் மிகக்கடினமாகப் பணியாற்றி வருகிறார்கள். நேர்மையான குடிமக்களுக்கு ஏற்பட்டுள்ள பிரச்சினையைத் தீர்க்க இந்திய ரிசர்வ் வங்கி உறுதிபூண்டுள்ளது என்றார் உர்ஜித் படேல்.
நாச்சியார் நெக்ஸ்ட்’ நாட்டிய நாடகம் கோவையில் அரங்கேற்றம்: பாரம்பரியமும் புதுமையும் கலந்த நடன விருந்து
எஸ்எஸ்விஎம்-இன் இந்தியாவை மாற்றும் மாநாடு 2025 ஆனது செயற்கை நுண்ணறிவு மற்றும் மனிதநேயம் குறித்து சக்திவாய்ந்த நுண்ணறிவுகளுடன் தொடங்கியது
கோவையில் நடைபெற்ற 4வது தேசிய பாரா த்ரோபால் சாம்பியன்ஷிப் போட்டி ஆந்திர அணி வெற்றி
மனித மூளைக்கும் கணினி மூளைக்கும் இடையேதான் வருங்காலத்தில் போட்டி இருக்கும் – நீயா நானா கோபிநாத் பேச்சு
மூளை அறுவை சிகிச்சைக்கு பிறகு மோட்டார் சைக்கிளில் கைலாய யாத்திரை; யோக விஞ்ஞானத்தின் சக்தியை காட்டுகிறது – சத்குரு
வாரணாசி, பாட்னா, மானேசர், ராஞ்சி, காஜியாபாத், ஆக்ரா மற்றும் அகர்தலா உட்பட நாடு முழுவதும் பிளிப்கார்ட்டின் விநியோகச் சங்கிலி தடம் விரிவாக்கம்
For English News
