June 1, 2017 
தண்டோரா குழு
சென்னை சில்க்ஸ் நிறுவனம் நான்கு மாடி கட்டிடத்துக்கு அனுமதி வாங்கிவிட்டு எட்டு மாடி கட்டியது என்று தமிழக வீட்டுவசதி மற்றும் நகர்ப்புற வளர்ச்சித் துறை அமைச்சர் உடுமலை ராதாகிருஷ்ணன் குற்றம்சாட்டியுள்ளார்.
சென்னை தி.நகரில் உள்ள சென்னை சில்க்ஸ் கட்டடம் நேற்று தீ விபத்தில் சிக்கியது. தீயை அணைக்கும் பணியில் தீயணைப்புப் படைவீரர்கள் ஈடுபட்டு வருகின்றனர். தொடர்ந்து இரண்டாவது நாளாக போராடியும் அவர்களால் தீயை முழுவதுமாக அணைக்க முடியாமல் தீயணைப்பு வீரர்கள் திணறி வருகின்றனர்.
இந்நிலையில் தீ விபத்து குறித்து அமைச்சர் உடுமலை ராதாகிருஷ்ணன் செய்தியாளர்களிடம் பேசியதாவது;
” சென்னை தி. நகரில் விதிமுறைகளை மீறி கட்டப்பட்ட கட்டிடங்கள் தொடர்பான வழக்குகள் 20 வருடங்களாக நீதிமன்றத்தில் உள்ளன. 2011-ம் ஆண்டு சென்னையில் விதிமுறை மீறி கட்டப்பட்ட கட்டிடங்களுக்கு அரசு சார்பில் நோட்டீஸ் அனுப்பப்பட்டது.
சென்னை சில்க்ஸ் நிறுவனம் 4 மாடி கட்ட மட்டுமே சிஎம்டிஏ அனுமதி வழங்கியது. ஆனால் 4 மாடி கட்ட அனுமதி வாங்கிவிட்டு தரைத்தளம் உட்பட 8 மாடி கட்டியது. இது சம்பந்தமாக சென்னை சில்க்ஸுக்கு அரசு சார்பில் நோட்டீஸ் அனுப்பட்டது.
இதனைத் தொடர்ந்து சென்னை சில்க்ஸின் 5,6,7 மாடிகளை இடிப்பதற்கு சென்னை சில்க்ஸ் நீதிமன்றத்தில் தடை வாங்கியது. கட்டுமான பணிமுடிப்புச் சான்றிதழலையும் சென்னை சில்க்ஸ் நிறுவனம் இது வரை அரசுக்கு அளிக்கவில்லை.
தீ விபத்து ஏற்பட்டுள்ள பகுதிகளில் பாதுகாப்பு பணிகள் மேற்கொள்ளப்பட்டுள்ளன. இது தொடர்பாக முதல்வரிடம் ஆலோசிக்கப்பட்டு அடுத்தக்கட்ட நடவடிக்கை எடுக்கப்படும்.”
இவ்வாறு அவர் பேசினார்.
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
லயன்ஸ் கிளப் ஆப் கோயம்புத்தூர் கிறிஸ்டல் சார்பில் ஆதரவற்றோருக்கு உணவு வழங்கல்
சிறந்த கல்லூரிகளுக்கான NIRF தரவரிசை பட்டியலில் 9 வது இடம் பிடித்த பிஎஸ்ஜிஆர் மகளிர் கல்லூரி
லயன்ஸ் கிளப் ஆப் கோயம்புத்தூர் ஜுபிடர் சார்பில் ஆதரவற்ற முதியோருக்கு உணவு வழங்கல்
ஆசிரியர் தினத்தை முன்னிட்டு அலையன்ஸ் கிளப் ஆப் கோயம்புத்தூர் சேரன் சார்பில் கௌரவிக்கப்பட்ட ஆசிரியர்கள் !
சத்குருவின் பிறந்த நாளில் காவேரி கூக்குரல் 1 லட்சம் மரக்கன்றுகள் நடவு – தமிழகமெங்கும் விவசாய நிலங்களில் நடப்பட்டது
For English News
